Somoel ni L’oeg Oliver Cowdery

Joseph nge Emma ni yow be ul’ul’ ngar pilyegew e thin ko fare Babyor ku Mormon. Biney e muruwel e rib gel e momaw’ riy, ma kab tu’uf ni ngar muruwel gow ko milaey’ rorow. Ere Joseph e meybil ni nge pi’ e Chitamangiy nu Tharmiy be’ nge yib ni nge ayuweg i pilyeg e thin ko fare Babyor ku Mormon.

Saints, 1:56, 58

U New York nib palog, bay Oliver Cowdery riy, ni reb e sensey ko skuul, nibe par ko galabithir rok’ Joseph Smith. Oliver e ma sensey nag l’agruw i walagen Joseph nib bitir ni reb e pagel ma reb e bpin.

Saints, 1:58–59

Oliver e ke rung’ag mornga’agen Joseph nge fapi plate nib gold. Ri ba’adag ni nge nang morna’agen. Be non ngak e galabithir rok’ Joseph. Kar rogew ngak Oliver ni Joseph e be rrin’ e muruwel rok’ Got.

Saints, 1:59

Chiney e kari gel e chealchealaen’ rok’ Oliver. Galibithir rok’ Joseph e rogew ngak Oliver ni nge meybil ni nge nang ko ba riyul’ ni biney e ba muruwel rok’ Got. Ere reb e nap ngay, me yibi meybil Oliver u fithik’ i polo’ i gum’ircha’en. Got e pi’ e gapas ngalan e tafney rok’. Ke nang Oliver ni Joseph Smith e ir e tapigpig rok’ Got. Ke thamiy ni susun ni nge pi’ e ayuw ngak Joseph.

Saints, 1:60

Napan ni m’ay e skuul ko binem e duw, me yaen Oliver nge mada’nag Joseph nge Emma. Jopseh nge Oliver nikar od gow nike n’uw e nep ni yow be weliy mornga’agen fapi plate nib gold nge muruwel rok’ Got.

Saints, 1:60

Oliver e yoeg ni bayi yoel napan nibe pilyeg Joseph fapi thin. Ri ba’adag e pin’en nibe fil ni mornga’agen Yesus. Ma kubay e duwer rok’ ni bo’or ma ba’adag ni ngan gelnag e mich rok’.

Saints, 1:61

U dakean fare Profet Joseph, me pi’ Somoel ba mulwol nifan ngak Oliver. Me yoeg ngak Oliver ni nge tafney nag fare nep ni meybil. Got e ke pi’ e gapas ngak. Kemus ni Got e manang mornga’agen e biney e meybil. Mich rok’ Oliver e yib gelngin nge gel. I ul’ul’ nge pi’ e ayuw ngak Joseph, ma Somoel e machib nag ngak bo’or bugi ban’en ko mornga’agen rogon nima non Got ngodaed.

Doctrine and Covenants 6:14–24; 8:1–3; 9:7–9; Saints, 1:62–64