Fare Mukun u Ohio

Ulan Ohio, bo’or nge bo’or e gidii’ ni ngar unew ko Galasia. Somoel nike yoeg ngak Joseph Smith gali Saint nibe pared u rebo binaw thingarda mukun gad u Ohio. Ireray e milekag nib n’ew. Machane ke micheg Somoel ngorad napan ni kar mukun gad, Ir ra filed ngak fapi Saint e motochiyl Rok’ nge yibliy nagrad ni bay e gilengin nifan e muruwel’ Rok’.

Doctrine and Covenants 37; 38:32; Saints, 1:109–110

Chitiningin Joseph, Lucy, nge chuchugur ko 80 chon ko Galasia kar chuwgad e pi na’un rorad u New York nge kar yaen nga Ohio. Kar ranoed udakaen e Barkow ni ra fekrad u milekag rorad. Tomuren ni kar milekag gad ko la’agrew e rran, fare barkow thingari taleg. Ba bochi ice nib ga’ kar dibchëy e wo’en rorad.

Saints, 1:121–22

Fapi Saint t’uf ni ngar soen nifan e gathey nag ko ice. Yad be magaf gad, balig, garda’ nge ‘ulum.

Saints, 1:122

Rib mo’omaw ni ngar soen. Bochi pi Saint me tabab e tugthin ngorad.

Saints, 1:122

Lucy ni dabun e tugthin rok pi Saint. Ke nang thingari yoeg e pi’nen. “Bu’uw e mich romed?” Nike fith. Lucy be weliy ngak e pi Saint fa’anra ni ngar meybil gad ngak Got, ir ra gathay nag e ice ere rayog ni ngar ul’ul’ e milekag rorad.

Saints, 1:122–23

Ma nike buch nib tomgin, kar rung’aged e lingan woed e dirra’ napan ke gathay nag e ice. Me bing e wo’en u fithik’ e ice, ere rayog ni nge yaen e barkow ufithik.

Saints, 1:123

Me gin owcharaed nge falfalaen’ gad e fapi Saint. Kar mukun gad ni ngar meybil nge pii’ e magar ngak Chitamangiy nu Tharmiy. Barkow rorad kar ranoed u fithik’ e pagaen’ nga Ohio.

Saints, 1:123

Napan ni kar yibgad nga Ohio, gali chon ko Galasia uram koar mada’gad ngak nge ayuweg raed ni ngar pireged e tagiil e rayog ni ngar pared. Fare Somoel nike fal’eg e micheg rok’ me fil ngorad e motochiyl Rok’ nge nike pii’ ngorad e gilengin nifan e muruwel’ Rok’.

Doctrine and Covenants 42; Saints, 1:126