Mabgol ni Bo’or e Gidii’ Riy

Ba motochiyel nifan e ta’abochingiyal’

Napan nibe fil fare Profet Joseph mornga’agen e Bible, me be’eg mornga’agen bugi profet ni woed Abraham nge Moses ni mabgol ni bo’or le’engin. Joseph e bay e duwer rok’ ni bo’or. Ere duugliy ni nge meybil nge fith ngak Got.

Doctrine and Covenants 132:1; Gidii’en Got, 1:121, 503

Ke fil Joseph ni gidii’ e kemus nrayag ni nge un ko mabgol ni bo’or le’engin ni fa’anra ke motochiyel nag Got.

Me yoeg Somoel nra reb e mo’on ma susun ni ta’areb le’engin. Machane bochingiyal’ ma Somoel e ma motochiyel nag ngak e mo’on ni nge le’engiy e bpin in bo’or. Biney e kanoeg fithingan ni mabgol ni bo’or e gidii’ riy. Somoel e yoeg ngak Joseph ni gidii’ rok’ e kemus ni nge un ko mabgil ni bo’or e gidii’ riy ni fa’anra Ke motochiyel nag.

Jacob 2:27–30; Doctrine and Covenants 132:34–39; Gidii’en Got, 1:121, 290–91, 489–90, 503

Joseph nibe meybil nifan e biney e motochiyel.

Boech e duw nga tomuren, me yoeg Somoel ngak Joseph nge boech e Gidii’ Rok’ ni ngar uned ko mabgol ni bo’or e gidii’ riy. Biney e motochiyel e ri dani moem rogon ni ngan fol riy.

Gidii’en Got, 1:290–91, 444–46

Reb e member ko Galasia nibay nib sak’iy i mit e aam ni bachan e ke un ko mabgol ni bo’or e gidii’ riy.

Aam e ngongliy e motochiyel ni dabin un ko mabgol ni bo’or e gidii’ ngay. Boech Gidii’en Got, nib mu’un e tiyugang’ ko Galasia ngay, e ni tay raed nga Kalbus.

Gidii’en Got, 2:501–4

Members ko Galasia era fanayed e biney e motochiyel ni dabkur uned ko mabgol ni bo’or e gidii’ ngay.

Napan e 1890, me yoeg Somoel ngak Wilford Woodruff, ni’ir e bay ni fare President ko Galasia, ni dabki un e pumo’on ko mabgol ni bo’or e bpin riy. Fapi tiyugang’ ko Galasia era yoeged e biney e motochiyel ngak fapi Gidii’ ku Got. Biney e kabay e dabay ni’ir e fare Motochiyel rok’ Somoel ngak e gidii’—nra reb e mo’on makemus ni nge le’engiy ta’areb e bpin.

Official Declaration 1; Gidii’en Got, 2:598–601, 607–9