“Fapi Angel ni Sulweg Yarmen fare Priesthood,” Fapi Yat ko Doctrine and Covenants (2024)
“Fapi Angel ni Sulweg Yarmen fare Priesthood,” Fapi Yat ko Doctrine and Covenants
1829
Fapi Angel ni Sulweg Yarmen fare Priesthood
Mat’woy ni ngan rrin’ e muruwel rok’ Got
Napan nibe pilyeg Joseph nge Oliver fapi thin ko fapi plate nib gold, miyow fil ni ba’adag Yesus ni gubin e gidii’ ni nge tawfe. Maki pi’ mat’won e gidii’ ni ngar tawfe niged e gidii’. Ma Joseph e dawrin tawfe nag. Ma ba’adag ni nge fil boech mornga’agen e tawfe.
Joseph Smith—History 1:68; Saints, 1:65–66
Joseph nge Oliver ni yow be lemnag ko mini’ e bay mat’won ni rayag ni nge tawfe nag e gidii’ e chiney. Kar duugliyew ni ngar fithew ngak Got. Ere ranow ngalan fare luuway mi yow ragbug ngar meybil gow.
Joseph Smith—History 1:68; Saints, 1:66
Napan ni yow be meybil, me yibi m’ug ba angel. Me yeog ni’ir i John nimaTawfe, ni’ir e tawfe nag Yesus Kristus bukun e duw kafram. Me pi’ ngak Joseph nge Oliver fare Aaronic Priesthood. Fare priesthood e ba mat’won nike yib rok’ Got. Yima fanay ni ngeyag ni tawa’ath nag pifak Got.
Doctrine and Covenants 13; Joseph Smith—History 1:69, 72; Saints, 1:66–67
John ni i Tawfe e yoeg ni be’ nibay fare Aaronic Priesthood rok’ e rayag ni nge machib ko gidii’ mornga’agen e kalngaen’ me tawfe nagraed. John e yoeg ngak Joseph nge Oliver ni ngar tawfe gow. Ere ranow ngalan reb e luul’ mi yow tawfe nigew row. Napan nira sulew u fithik’ farengi rran, min suguy row ko fare Kan ni Thothup. Kari falfalaen’row!
Joseph Smith—History 1:70–73
Ta’aboch riy, maki yib boech e angel. Dalip ko fapi Apostles rok’ Yesus — Peter, James, nge John, era pi’ed fare Melchizedek Priesthood ngak Joseph nge Oliver. Chiney e rayag ni nge pi’ Joseph nge Oliver fare tawaʼath ko fare Kan ni Thothup. Ma Joseph nge Oliver e kar mangew reb fapi Apostles. Rayag ni ngar gagiyeg nigew fare Galasia mi yow michegnag mornga’agen Yesus Kristus.
Doctrine and Covenants 27:12; Saints, 1:84