Mabgol ni Manechubog nge Tabinaew

Napan ni mabgol Emma nge Joseph, ma kar lemnigew ni mabgol rorow era mus ko ngiyal’ ni kar m’ow. Kar tafney nigew ni biney e ta’ab rogon ko gubin e mabgol. Machane yibi yoeg Somoel ngak Joseph ni mabgol nge tabinaew e rayag ni nge par nib manechubog.

Gidii’en Got, 1:413

Somoel e machib nag ngak Joseph mornga’agen e mabgol ni manechubog. U dakean fare gelngin e priesthood, reb e pumo’on nge reb e bpin e rayag ni ngar ngongliyew e m’ag ngak Somoel. Ma fa’an yowra ayuweg fapi m’ag rorow, ma Somoel e ke michmicheg nra par e mabgol rorow ni dariy bi’id manemus. Biney e kenoeg fithingan e seal ngay. De n’uw napan ngay, min seal nag Joseph nge Emma ni manechubog.

Doctrine and Covenants 132:7, 19–24; Gidii’en Got, 1:413, 432–33, 481–82, 492, 502–3

Maki fil Jospeh ni napan nran seal nag reb e mo’on nge reb e bpin nga ta’abang, ma pifak row e yira seal nagraed ngorow. Ni bachan fare gelngin Yesus Kristus, ma rayag ni nge par e tabinaew roraed ni dariy bi’id manemus. Napan ni yoeg Joseph e biney ngak fapi Gidii’en Got, ma kari falfalaen’ gaed! Ma dabkiyag ni ngar soen gaed ngan seal nag raed nga ta’abang.

Doctrine and Covenants 131:2; 132:6–7; Gidii’en Got, 1:492–93, 580

Maki ta’aboch riy me machib nag Somoel ni sealing e susun ni ngan rrin’ ulan e temple. Fapi Gidii’en Got e rmuruwel gaed ni rib gel ngar toeyed fare temple u Nauvoo ya ngeyag ni ngan seal nagraed nga ta’abang. Napan nin mu’ nag i toey fare temple, ma bo’or e tabinaew nin seal nag. Ma kun seal nagraed ngak gidii’en e tabinaew roraed nike yim’. Kar falfalaen’ gaed ko biney e tawa’ath!

Gidii’en Got, 1:579–80