“Ba Muruwel ni yib ngak Gidii’en yu Mariken ni Kakrom,” Fapi Yaat ko Doctrine and Covenants (2024)
“Ba Muruwel ni yib ngak Gidii’en yu Mariken ni Kakrom,” Fapi Yaat ko Doctrine and Covenants
October 1830–January 1831
Ba Muruwel ni yib ngak Gidii’en yu Mariken ni Kakrom
Fapi Indians ni kanoeg e Delaware ngoraed nira rung’aged fare gospel
Buchu’uw riy nga tomuren nike tawfe Parley Pratt, me pinning Somoel ni nge un ngak Oliver Cowdery nge boech e gidii’ ngareb e muruwel. Ba’adag ni ngar machib niged fare gospel ngak fare Gidii’en yu Mariken ni Kakrom (Native Americans). Fapi tamachib era milekag gaed ni bukun e wik u fithik’ e snow ni rib to’ar. Fin arram, mi yaed mada’nag Kikthawenund, fare pilung ko fapi Indians ni kanoeg e Delaware ngoraed.
Doctrine and Covenants 28:14; 30:5–6; 32; Saints, 1:98, 115
Fare pilung e rib gol ngak fapi tamachib. Ke pinning e pitafagar rok’ ni ngar motoyilgaed ko pin’en ni ngar roged. Oliver e ke yoeg ni’ir nge Parley e kar milekag gow ni rib n’uw yang ni ngeyag ni ngar fekew fare Babyor ku Mormon ngoraed. Bay mornga’agen e gidii’ riy ni ur pired u dakean e nam u Mariken boech e duw kafram. Ba’adag Got ni ngar pii’ed e biney e babyor ngak e gidii’ ni ngeyag ni gubin e gidii’ me nang mornga’agen Yesus Kristus.
Saints, 1:115–16
Oliver nike pii’ ngak Kikthawenund reb e kopy ko fare Babyor ku Mormon. Kari falfalaen’ me ognag e magar nike yib Oliver nge pitafagar rok’ ko biyang ni rib palog ni ngar pii’ed e biney ngak e gidii’ rok’. Ke yoeg ngak Oliver nge Parley ni ba’adag ni ngar sulew ni ngeyag ni ngar be’egnew mi yow machib nag boech mornga’agen fare Babyor ku Mormon ngoraed.
Saints, 1:116–17