The Pearl of Great Price

Ta’areb e rran, e pumo’on ni ke yib nga Kirtland me bay e pi mummy nu Egypt. Bay e bichibichiy ko pi mummy ney, fa pi babyor nib n’ew. Bay e thin nu Egypt udakaen en. Pumo’on ni ke dag ngak fare fare Profet i Joseph Smith. Joseph ni ba’adag e pi babyor nem.

Saints, 1:219–20

Bochi fagar rok’ kar ayuweged Joseph ni ngar chuwey e pi mummy nge bichibichiy. Napan Joseph nibe fil e yoloey ney, fare Somoel nike dag ngak e pi thin nib kakrom ko Abraham, e profet ulan fare Bible. Udakaen e ayuw rorad e pi fagar rok woed Oliver Cowdery, Joseph nike yoloey e pi’nen fare Somoel ni ke fil ngak’ marunga’agen e machib rok’ Abraham.

Saints, 1:220

Nike guy Abraham e mali’ay marung’agen e yafos rodad ngak Chitamangdad nu tharmiy umon e gargeldad. Nike sap Yesus ni mel’eg ni nge mang e Tathapegdad. Me Abraham ni ke fil marunga’age e sunmiy ko feyleng. Gubin e pi Saint thringarda thapaged e machib rok’ Abraham. Yad be falfalaen’ e Somoel ba’adag ni nge fil boch reb ngorad.

Abraham 2:6–11; 3–5; Saints, 1:220

Yoloey rok Abraham nike mang e yang ko fare babyor nib thothup ni kanoeg fare Pearl of Great Price. Babyor ney ni bay e yoloey rok’ Moses, kureb e profet ulan fare Bible. Me fil e tin nib riyul’ nike chuw ko Bible. Fare Somoel ni ba’adag e gidii’ ni manang e tin nib riyul’ ney, ere ni Ke pii’ ngak Joseph Smith.

Moses 1–8; Abraham 1–5

Bay e Mich Rok’ Joseph Smith nge fare 13 Kenggin Lik’ngin e Mich ulan fare Pearl of Great Price. Joseph Smith nike yoloey e pi’ney ni nge weliy ngak e gidii’ nu feyleng e pi’nen ko mich rorad e Gidii’en Got ko Tin Tomur e Rran. Fare Pearl of Great Price ir e babyor nib achigchig, woed e pearl ir achigchig, machane gaa’ e puluwaen’ ney.

Joseph Smith—History; Articles of Faith 1