Fare Relief Society

Fapi bpin u Nauvoo nra pigpig gaed ngak Somoel

Margaret Cook nge Sarah Kimball ni yow be weliy mornga’agen fare temple nib be’ech nikan toey u Nauvoo.

Margaret Cook e ma par u Nauvoo. Ma muruwel u tan pa’ Sarah Kimball, nima ayuweg ko yup maad. Napan nra muruwel, ma ba’adag nima weliy mornga’agen fare temple nib be’ech nikan toey u Nauvoo. Kari falfalaen’ row ko fare temple.

Gidii’en Got, 1:447

Ke guy Margaret ni fapi gidii’ nibe toey fare temple e be chuw ko maad nike kaday.

Roborran ngay, me guy Margaret ni oren fapi pumo’on nibe dumow fare temple e yaed be chuw nga bugi maad ni kari kaday make mogchod. Ke tafney nag ni sana ir nge Sarah e rayag ni ngar muruwel gow u taba’ang ngar yup’ew e kenggin nifan fapi pumo’on. Ba’adag Sarah e biney e tafney. Ir nge Margaret e ra nonow ngak boech e pi’in ni bpin ni ngar fal’aged reb e ulung ni ngar ayuweged e pi ta muruwel ney.

Gidii’en Got, 1:447–48

Joseph Smith nge Margaret, Sarah, nge boech e gidii’ ni ngar fal’aged fare ulung ko fare Relief Society nifan ko Galasia.

Profet Joseph e yoeg ni Somoel e ri ba’adag e biney e tafney ni ngan rrin’, me yoeg ngoraed ni bay reb e ban’en nrib fel’ ni fan ngoraed. Ere pining Joseph fapi bpin ni ngar mo’olung gaed nga ta’abang ko March 17, 1842. U dakean fare mat’won e priesthood, me yibi yarmiy fapi bpin ko Galasia. Mar duugliyed ni ngar pininged fithingan e ulung roraed ni Fapi Bpin ko Relief Society u Nauvoo.

Gidii’en Got, 1:448, 450–51

Joseph e fith ngak fare Relief Society ni ngar ayuweged e gidii’ ngan fal’ag rogon raed ngar thapaged fapi tawa’ath ko temple nge yafos ni manechubog. Ma susun ni yaed e ngar manged wo’en nib fel’ ko rogon ni ngan leak Yesus.

Gidii’en Got, 1:451

Gidii’en e Relief Society ni yaed be fek e ggan ngar pi’ed ngak reb e tabinaew nike tu’uf e ayuw rok’.

Maki yoeg Joseph ngak e Relief Society ni ngar gayed e gidii’ nib gafgow ngan ayuwegraed. Kumus ko bpin nib gafgow ma kaba’adag ni nge un i pi’ e ayuw ngak e gidii’ nike tu’uf e ayuw rok’.

Gidii’en Got, 1:449

Fare Relief Society ni yibe yarmiy rogon.

Fare Relief Society nikan yarmiy rogon. Emma Smith e ni pining ni nge mang fare president. Me mu’ me pining i Sarah Cleveland nge Ann Whitney, ni nge mang fagli counselor rok’. Maki pining Eliza R. Snow, ni nge mang fare secretary rok’.

Gidii’en Got, 1:450

Emma nibe machib ngak fapi bpin ulan fare Relief Society.

Somoel e ayuweg Emma nge rrin’ fare muruwel nikan duugliy ngak. Emma e machib nag ngak fapi bpin ni rayag ni ngar uned ko bugi muruwel ni rib fel’ u dakean e pigpig roraed ngak Somoel. Ba’adag ni ra reb fapi bpin me guy kanawo’en nrayag ni nge nge rrin’ ban’en nib fel’. Ma bin th’abi ga’fan riy, e yoeg ngoraed, ni ngar tu’ufeged e gidii’ ni woed rogon ni rrin’ Yesus. Bo’or e bpin u Nauvoo ni un ko fare ulung ko fare Relief Society.

Doctrine and Covenants 25:3, 7; Gidii’en Got, 1:451

Ba sassing ni ya’an kanawo’en nike pii’ e bpin e ayuw ulan e Galasia ko gidii’ u dakean e fayleng.

Kar ayuweged e gidii’ kar fal’aged rogon raed nifan ko fapi tawa’ath ko temple ma kiyaed be ayuweg e gidii’ nge tabinaew nima par u Nauvoo. Ko ngiyal’ nem nge mada’ ko chiney, make yib e pi’in ni bpin u dakean e fayleng kar uned ko Relief Society. Yaed be ul’ul’ ni yaed be pigpig ko gidii’ ma yaed be pii’ e ayuw ngoraed ngar thapaged fapi tawa’ath ko temple.

Gidii’en Got, 1:451