Tē tauturu huna ra te mau pīahi ha’api’ira’a teitei i te International Law and Religion Symposium (’Āmuira’a nō te ture ’e te mau ha’apa’ora’a nō te ao ato’a nei)

E tauturu te mau pīahi nō Brigham Young University nō Provo, Utaha, ’e nō Lā’ie, Hawai’i i te mau mono i te ’āmuira’a 32 o te International Law and Religion Symposium (’Āmuira’a nō te ture ’e te mau ha’apa’ora’a nō te ao ato’a nei)

’Ua ’āmui mai te ’āmuira’a i te feiā fa’atere nō te mau hau fenua, te mau fare ha’api’ira’a, ’e te mau ’ēkālesia nā te ao ato’a nei nō te paraparau nō ni’a i te ti’amāra’a o te mau ha’apa’ora’a.

E ’ere noa rā te mau mono i tē ha’amanuia i te ’āmuira’a, nā te mau pīahi tē tūtava huna ra e nā reira.

’Ua haere mai te mau pīahi nō BYU Hawai’i ’o tē rave i te ’ohipa ta’a ’ē nō te Religious Freedom and Human Dignity Initiative (Fa’anahora’a nō te ti’amāra’a nō te mau ha’apa’ora’a ’e nō te tura o te ta’ata) nō te fa’ariro i te ’āmuira’a ’ei mea putapū ’e te ha’amo’e-’ore-hia nō te mau mono ’e te mau pīahi ho’i.

’Ia fa’ata’a-’ē-hia rātou i te mau pīahi nō BYU Provo, ’ua ’ahu te mau pīahi nō BYUH i te mau hei tutui. E taipe teie mau hei nō te ’itera’a ’e te ha’apa’arira’a, nā mea tā te mau pīahi e hina’aro i teie ’āmuira’a. I Hawai’i, ’ua fa’a’amahia te mau nōā tutui ’ei mōrī, ’o tei hōro’a mai i te māramarama i roto i te tau pōiri, teie te tahi fa’ahou taipe faufa’a nō te hei tutui.

’Ua fa’a’ite mai te mau mono ’ei tuha’a faufa’a ’e te maita’i te mau pīahi nō te ’āmuira’a. E tāvini rātou ’ei tāvini faufa’a nō te mau mono, i te pāhonora’a i te mau uira’a, te arata’ira’a ia rātou, ’e te turu i te ’āmuira’a. I te roara’a o te mau matahiti, ’ua ha’amāuruuru te mau mono e rave rahi i te mau pīahi nō tō rātou maita’i ’e te māramarama.

« ’O terā ïa tā mātou i hina’aro e riro, te māramarama o te Mesia », ’ua nā ’ō mai ’o Kala Haverly, te hō’ē pīahi rave ’ohipa ta’a ’ē nō Hawai’i.

Te hō’ē pīahi ha’api’i ture nō BYU, ’o Elle McConkie, ’ua tāvini ’ei ti’a fa’anaho rahi nō te ’āmuira’a. ’Ua parau ’oia ē noa atu ’aita te fa’anahora’a ’e te fa’aineinera’a nō te ’āmuira’a i fa’atumuhia i ni’a i te ha’apurorora’a i te māramarama o te Mesia, ’ua tupu ’ōhie te reira ’a ’ohipa ai ’oia i te ’āmuira’a.

« Tē mana’o nei au ē nā roto i tā mātou mau ha’amātaura’a i te mau mono—’a tāvini ai mātou ia rātou, ’a pāhono ai i tā rātou mau uira’a, ’a paraparau ai, ’e ’a tauturu ai ’ia maita’i te ’āmuira’a nō rātou—’ua tauturu mātou ’ia ha’apuroro i te māramarama ’e te here o te Mesia », ’ua parau McConkie.

I te hope’a o te ’āmuira’a, ’ua hōro’a te mau pīahi nō BYUH i te mau hei tutui i te mau mono tā rātou i ha’amātauhia, ma ta ani-manihini-ra’a ia rātou ’ia haere mai i te Religious Freedom and Human Dignity Initiative ((Fa’anahora’a nō te ti’amāra’a nō te mau ha’apa’ora’a ’e nō te tura o te ta’ata) i tō rātou iho fare ha’api’ira’a i te ’āva’e nō ’Ēperēra, ’ua ’ōpuahia te reira nō te hō’ē noa ha’apa’ora’a.

E arata’i ’o Riji Levaci nō Fītī mai i te reira fa’anahora’a nō BYUH. ’Ua parau ’oia e ’ōpuara’a faufa’a te fa’ahoara’a. I te matahiti i ma’iri a’enei, ’ua fa’atumuhia te ’āmuira’a nō BYUH i ni’a i te retioni nō te pātitifā, ’ua hau atu te rahira’a o te mau pīahi rave ’ohipa tāmoni ’ore nō te mau nūna’a pātitifā mai i te hānere.

« E ’ere ana’e i te fa’ahoara’a i te mau mono, ’ua fa’aitoito ho’i te reira ’ia riro ’ei pāruru ture ’aore rā ’ia tauturu i te ti’amāra’a nō te mau ha’apa’ora’a ’e te tura o te ta’ata », ’ua parau Levaci.  

’Ua tauturu maita’i ho’i te ārea pātitifā i te ’āmuira’a ICLRS, ma te fa’ahoara’a i te mau pīahi ’e i te tahi atu mau mono ’a fa’a’ite ai i tō rātou mau mana’o.

’Ua mana’o McConkie e mea ti’a te mau reo pātitifā. « E mea faufa’a ’ia vai te mau reo nō te pātitifā mai i te ’aira’a mā’a e paraparauhia ai teie mau fifi faufa’a ».

I roto i teie tau o te mau mana’o i ta’a ’ē roa te tahi i te tahi, ’ua mana’o McConkie ē nōna iho, ’e nō vetahi ’ē, te tuha’a faufa’a roa a’e o te ’āmuira’a, ’o te fa’ahoara’a ïa. « E au te ’āmuira’a i te hutira’a i te aho i te mata’i mā nō te mea ’aita e vai ra te ‘e ’aro tātou ia rātou’. E mea māere te tū’atira’a te tahi i te tahi i te ’āmuira’a », ’ua parau McConkie.

’Ua haere mai te mau ta’ata nō te mau vāhi rau mai, ma te mau mana’o rau, ’e ma te mau orara’a rau, ’e ’ua ha’afaufa’a ’āmui rātou i te paraparaura’a. ’Ua tāmata te mau ta’ata ’ia māramarama i te mau mana’o ’o tei ’ore paha e mono-maita’i-hia ’e ’ia fa’a’ite i tō rātou mau mana’o ’ia fa’atupu i te ta’ara’a maita’i a’e ’e te fa’aturara’a rahi a’e.

« ’Ua hina’aro mātou ’ia ’ite te mau ta’ata ato’a ē noa atu tā rātou ha’apa’ora’a fa’aro’o ’aore rā tō rātou mau tia’turira’a, e mea faufa’a ’e te tao’a rātou, ’e e māramarama tō rātou », ’ua parau Neelima Mungamur, te hō’ē pīahi rave ’ohipa ta’a ’ē nō ’Īnīdia mai.

Photo Caption : Tē ti’a ra te mau pīahi rave ’ohipa ta’a ’ē nō te Human Dignity and Religious Freedom Initiative (Fa’anahora’a nō te tura o te ta’ata ’e nō te ti’amāra’a nō te mau ha’apa’ora’a) i mua te fare ha’api’ira’a nō te ture nō BYU.