O Talavou Nofofua Matutua mai Niu Kini ua O I le Malumalu o Toga

I le aso 8 o Oketopa 2024, na taunuu ai talavou nofofua matutua lalelei e to‘a tolusefulu-tasi mai Papua Niu Nini I Toga e ulu atu i le malumalu mo le uluai taimi. O le vaega na aofia ai faifeautalai faamisiona e toalua e faamisiona i le Misiona a Lae PNG, ma o le toatele lava o isi ua maua pe o loo faatalitali foi mo le mauaina o valaauga mo misiona.  

Sa faafeiloaia ma le agalelei i latou i le malaevaalele i ulalole masani na saunia e nisi sa taitai i le misiona a PNG, o Peresitene Sitiveni ma Sister Kilisitina Fehoko, faapea foi le toatele o faifeautalai sa faamisiona i PNG. 

I le mavae ai o le mauaina o o latou lava faaeega paia, sa faatinoina ma le agalelei e talavou matutua ni sui papatisoga, sauniga amata, ma faaeega paia mo matua o o latou matua ma isi o o latou tuaa. Sa latou faamaeaina la latou auaunaga i le malumalu i se sauniga faaiu o le faamauga, e tuufaatasia ai augatupulaga i le mana faamau e faavavau.  

Sa sailia e le YSA ia igoa o o latou aiga ma le naunautaiga e faia galuega o le malumalu mo o latou tauaiga ua maliliu. (Matau o latou sootaga o loo i tua o kata i atapu‘e.)  

I afiafi, sa faafeiloaia i latou e Elder Sione Tuione, o se Fitugafulu Eria faapea foi taitai misiona sa galulue I Niu Kini e aofia ai Isileli ma Milika Fatani, (Misiona a Lae Papua Niu Kini 2019–2022), Mosese ma Akanesi Naeata (Misiona a Port Moresby Papua Niu Kini 1997–2000), ma le au Fehokos o e na ofoina atu ni savali mamana o le faatuatua i le Alii o Iesu Keriso ma aiga e faavavau.  

Sa saunia e le au Fatani ma le au Fehoko ni taumafataga matagofie faaToga, ma sa faia e uarota i le lotoifale ni siva i afiafi taitasi, ia sa fiafia ai tele i ai talavou matutua.   

Sa fiafia foi talavou matutua i se aoauli na faamatamata ai ma o e faatau. O le toatele o i latou na fai a latou siaki o nifo i le falefainifo o le Ekalesia i le Aoga Maualuga o Liahona.

Na manino ia latou upu le liliu atu o loto o le fanau i o latou matua, lea sa latou tusifaamaumauina i apitalaaga na foai atu ia i latou taitoatasi.

Channolyn George: “Ina ua ou vaai i le malumalu, sa maligi o‘u loimata. Sa momomo lo‘u loto i lo‘u toe mafaufau i lo‘u atunuu, lo‘u itumalo, la‘u uarota, o tagata o le au paia, lo‘u aiga, o e pele ia te au, ma i latou uma e lei avea ma tagata auai. I lo‘u loto ma lo‘u mafaufau, ou te faamoemoe e i ai se aso, o le a i ai uma nei tagata ma lo‘u aiga iinei e pei ona ou i ai nei.”

Sonia Maranghi: “Sa ou faia faaeega paia mo  le tama o lo‘u tina, ma sa ou iloa ai sa matuai fiafia lava o ia ina ua ou faatinoina ona sauniga ia sa ia momoo i ai. Sa le mafai ona toe taofi o‘u loimata ma sa ou tagi a‘o ou nofo ai i le mamalu selesitila o le Atua Soifua.”

Delilah Kum: “O le maota o le Alii o le malumalu lea. A e ulufale . . . o le a e lagonaina le Agaga. Ou te iloa e mafai ona faamauina faatasi aiga mo le faavavau.”  

Mathias Inum: “Ina ua ou sau i le malumalu, sa ou iloaina sa ou i ai iina ia mauaina le malamalama o Keriso. Pe a ou toefoi i Papua Niu Kini, o le a ou faaalia lenei malamalama i tagata uma ma avea o se malamalama i lenei lalolagi.”  

Dodo Miul: “Ua ou i ai i Toga mo o‘u faaeega paia o le malumalu. Ua ou matua fiafia lava e i ai iinei e laveai o’u augatama ua maliliu. Ou te iloa sa i ai i latou i le lalolagi o agaga ma tōtōē ai ma faatalitali e taliaina lenei mea. Ou te matua faafetai lava mo nei aafiaga o le malumalu.” 

O loo faatalitali ma le naunautai nei Talavou Nofofua Matutua ofoofogia, e toe auai i le malumalu pe a mae‘a le fauga o le Malumalu o Port Moresby Papua Niu Kini.