Papua Niu Kini

Na uluai o mai faifeautalai mai Le Ekalesia a Iesu Keriso o le Au Paia o Aso e Gata Ai i Papua Niu Kini i le 1980. E toatele tagata na aoao e uiga i le Ekalesia mai uo ao lei talosagaina faifeautalai e o mai i o latou nuu ma aoao i latou. Na faamaeaina le uluai falelotu o le Ekalesia i le 1984, ma na faatulagaina le uluai siteki i le 1995. I le taimi nei, o le Ekalesia i Papua Niu Kini ua i ai le:

• 38,700 tagata (pe a)

• 2 siteki, 12 itu, 94 uarota ma paranesi, 2 misiona

• 1 malumalu i Port Moresby (maea ona faasilasila atu)

O se Faaola Patino

Fai mai Sister Judina Nambai mai le Paranesi a Gerehu i Port Moresby, “O se aoaoga o le talalelei e taua ia te au o le iloa lea o le Faaola o Iesu Keriso o se Faaola patino ma mulimuli i Lana faataitaiga atoatoa.”