E Le Faia I le Aso Sa! Faafeiloai Errol Bennett

Tusia e Elder Hervé Baehrel

O Elder ma Sister Baehrel, mai le Uarota a Montpellier i le Siteki o Toulouse, Farani, o loo avea nei ma ulugalii faamisiona i Tahiti. Sa la faasoa maia aafiaga faagaeetia ma musuia mai le taimi sa la galulue ai i le misiona, ma o loo ofoina mai i lenei tala se mua’i vaaiga i se tasi o na taimi faapitoa.

Sa ou maua se avanoa e feiloai ai ma Errol Bennett.

Na soifua mai i Papeete i le aso 7 o Me, 1950, o Errol Bennett o se tagata taalo soka ma o se siamupini lagolago o le Oceania ma Tahiti. Mai le 10 o ona tausaga, sa ia fausia ai se uiga tausaafia tauleleia i le ‘au a le aoga a Mairie i Papeete, ae i lona 17, ma lona aofia ai i le ‘au taualuga a le Central Sport de Papeete—na o le pau lea o le kalapu ua ia iloaina—sa amata ai ona fefefe ai ma faaaloalogia o ia i lona saoasaoa ma lona mata‘ituina o le faatini. O le mata‘ituina o le faatini o le a lauiloa ai i le tulaga faapolofesa.

O le Central Sport na faapupula ai e Bennett ona tomai ofoofogia i le faatini, lea na ia mauaina ai le faalaniga o le sikoa pito i luga i le taamilosaga a Tahiti e faasefulu ma le tasi i le va o le 1972 ma le 1983, o le valu na taso‘o lava, ma se averesi e 28 I le 30 tini. Na avea Bennett ma fetu moni i Tahiti, i le vaega o kalapu ma le ‘au.

Ia Mati o le 1977, na auai Errol Bennett i Le Ekalesia a Iesu Keriso o le Au Paia o Aso e Gata Ai ona ia musu ai lea e taalo soka i Aso Sa. I le tali atu i ai, sa talo ai e Napoléon Spitz, le peresitene o le kalapu a Bennett ma le Fédération Tahitienne de Football (FTF), se fono a sui auai o le FTF ma tautino atu ai o le a le toe taaalo lana kalapu atoa i Aso Sa. I le mavae ai o ni talanoaga, sa malilie kalapu uma sa i ai, e toefaatulaga taaloga i aso o le vaiaso.

O le faaiuga a Bennett e le taalo i Aso Sa, e le‘i tuuitiitia ai lona faamanuiaina. Sa faavalu ona sosoo le manumalo o le Central Sport i le siamupini a Tahiti mai le 1972 i le 1979 ma sa faafa ona mauaina le faalaniga o le Tauvaga a le Pasefika i Saute. Na oo foi le kalapu i le taamilosaga lona 7 o le Coupe de France, ma ausia ai le manumalo e 3–0 I le US Orléans i Papeete i le taamilosaga o le 1978–79.

O le sao o Bennett, na manumalo ai le ‘au a Tahiti i pine auro i Taaloga a le Pasefika i Saute i le 1975, 1979, ma le 1983. O i latou foi na mautulaga i le Oceania 1973, lea na tulaga muamua ai Bennett, i le tele o ‘ai, 3 faatini, ma sa faapena foi i le 1980, ma sa maua foi e Bennett se faatini e 1 i le taaloga faaiu ma Ausetalia.

O Errol Bennett o se tasi o tagata soka sili ona talenia ma faaaloalogaia I le Pasefika I Saute, ma o ia foi o se tasi o se aupito lauiloa, mai Fiti I Niu Sila, Papua Niu Kini ma Niu Kaletonia.

O Le Talafaasolopito Faavaomalo o le Faalapotopotoga o Soka & Faafuainumera (IFFHS) na taufai palota mo ia o se tasi o tagata taaalo silisili e 20 o le seneturi 20, ma o le tagata taalo sili o Tahiti o le seneturi 20, i luma atu o Pascal Vahirua. Sa ia faamutaina lana matata o le soka i le 42 o ona tausaga.

O lana galuega o ia o se leoleo o le malo, ma o Errol Bennett o le tam ā o se fanau e toafitu, e aofia ai Naea Bennett, fetu faatā mo le AS Pirae ma le ‘au a le atunuu o Tahiti.