Tahanan nina Joseph at Emma Smith

Noong 1827, lumipat ang bagong kasal na sina Joseph at Emma Smith sa isang maliit na bahay sa bukid ng pamilya ni Emma. Dito naglingkod bilang eskriba sina Emma, Martin Harris, Oliver Cowdery, at iba pa habang isinasalin ni Joseph ang mga bahagi ng Aklat ni Mormon at tumatanggap ng mga paghahayag na magiging mga bahagi 3–13 at 24–27 ng Doktrina at mga Tipan. Sa kalapit na kakahuyan, nagpakita si Juan Bautista kina Joseph at Oliver at ipinagkaloob sa kanila ang Aaronic Priesthood.

“Masdan, ako si Jesucristo, ang Anak ng Diyos. …

“At aking ipakikita sa mga taong ito na ako ay may iba pang tupa, at na sila ay sanga ng sambahayan ni Jacob;

“At aking dadalhin sa liwanag ang kanilang kagila-gilalas na mga gawain, na kanilang ginawa sa aking pangalan;

“Oo, at akin ding dadalhin sa liwanag ang aking ebanghelyo na ipinangaral sa kanila” (Doktrina at mga Tipan 10:57, 60–62).