Kisha e Rivendosur e Jezu Krishtit

Studimi i programit Eja, Më Ndiq këtë vit për librin Doktrina e Besëlidhje do të nxjerrë në pah se si Zoti e rivendosi Kishën dhe ungjillin e Tij nëpërmjet profetëve të ditëve të mëvonshme. Shumë artikuj nga botimi i këtij muaji nxjerrin në pah bekimet e Rivendosjes.

Të Mësuarit nga Ky Botim

Merrni Pjesë në Mbledhje

Në faqen 2 Presidenti Rasëll M. Nelson tregon për mënyra se si mund të mblidhemi te Shpëtimtari, të mblidhemi me shenjtorët dhe të mblidhemi në shërbimin e Perëndisë. Merrni parasysh të caktoni një synim për këtë muaj që të jepni ndihmesë në njërin prej këtyre tre llojeve të mbledhjes.

Shërbeni në Kishën e Rivendosur.

Plaku Patrik Kirën, i Kuorumit të Dymbëdhjetë Apostujve, flet rreth mundësive që kemi në Kishën e rivendosur të Jezu Krishtit për t’u “shërbyer të tjerëve me dashuri” (shihni faqen 8). A ka njerëz në lagjen ose degën tuaj që po hasin vështirësi? Mund të luteni për këta njerëz dhe të kërkoni frymëzim se si t’u shërbeni atyre.

Mësoni nga Proklamata mbi Rivendosjen

Në vitin 2020, Presidenca e Parë dhe Kuorumi i Dymbëdhjetë Apostujve nxorën “Rivendosja e Plotësisë së Ungjillit të Jezu Krishtit: Një Proklamatë në Dyqindvjetor drejtuar Botës” (shihni te faqja 40). Teksa e rishikoni proklamatën mbi Rivendosjen, ju mund të merrni parasysh këto pyetje: Çfarë ngjarjesh kyç përmend ajo dhe si i udhërrëfeu Zoti ato ngjarje?

Argëtimi Familjar me Programin Eja, Më Ndiq

Doktrina e Besëlidhje 1:30

Në këtë varg, Zoti e përshkruan Kishën e Tij si “të vetmen kishë të vërtetë dhe të gjallë mbi faqen e tërë dheut”. Idetë vijuese për mësimdhënie mund t’i ndihmojnë fëmijët tuaj që të kuptojnë se çfarë do të thonë fjalët “[e] vërtetë” dhe “[e] gjallë”:

Në revistën Liahona të qershorit 2024, Plaku J. Devn Kornish, një, Autoritet i Përgjithshëm I Shtatëdhjetë nderi, trajtoi pyetjen: “Çfarë nënkuptojmë kur themi se Kisha është e vërtetë?” Mund t’u tregoni fëmijëve tuaj disa nga pikat kyç të atij artikulli. Çfarë përvojash shpirtërore keni pasur që ju ndihmuan të dini se Kisha është e vërtetë, se ajo udhëhiqet nga Jezu Krishti, se ajo ka autoritetin e priftërisë, se ajo udhëhiqet nga profetët, se ajo shpërndan ungjillin e Jezu Krishtit?
Nëse është e mundur, bëjini fëmijët tuaj që t’ju ndihmojnë për të marrë një gjethe ose degë të vogël nga një pemë apo bimësi aty pranë. Diskutoni se çfarë do t’i ndodhë asaj tani që nuk është e lidhur me pemën. Përse do të thahet gjethja ose dega? Lexoni te Gjoni 15:4, ku Shpëtimtari e krahason veten e Tij me një hardhi dhe pasuesit e Tij me shermendet [degët]. Si tjetër mund të konsiderohet Kisha e Jezu Krishtit një kishë e gjallë?