Çfarë të Vërtetash Na Mëson Proklamata mbi Rivendosjen?

Jozef Smithi i gjunjëzuar në korijen e pemëve

Gjatë konferencës së përgjithshme të prillit 2020, Presidenti Rasëll M. Nelson lexoi dokumentin “Rivendosja e Plotësisë së Ungjillit të Jezu Krishtit: Një Proklamatë në Dyqindvjetor drejtuar Botës”. Më pas ai tha: “Studiojeni atë më vete dhe me pjesëtarët e familjes suaj dhe miqtë tuaj. Përsiatni për të vërtetat dhe mendoni për ndikimin që këto të vërteta do të kenë në jetën tuaj nëse ju i dëgjoni ato, i mbani vesh ato dhe u kushtoni vëmendje urdhërimeve dhe besëlidhjeve që i shoqërojnë ato.”

Tabela vijuese do t’ju ndihmojë ta ndiqni këshillën e profetit për të studiuar proklamatën. Kur e bëni këtë, merrni parasysh që të vini re jo thjesht ngjarjet historike të Rivendosjes, por edhe dorën e Zotit duke i udhërrëfyer ato ngjarje. (Teksti i proklamatës është në dispozicion në Gospel Library [Biblioteka e Ungjillit] ose në fund të mësimit të parë të programit Eja, Më Ndiq të këtij viti.)

Paragrafi	Studioni: Çfarë të Vërtetash Gjetët?	Përsiatni: Çfarë Ju Mësojnë Këto të Vërteta?	Mbani Vesh: Si Mund t’i Zbatoni Këto të Vërteta në Jetën Tuaj?	Shpërndani: Si Mund t’i Shpërndani Këto të Vërteta te Familja dhe Miqtë Tuaj?
1
2
3
4
5
6
7
8
9

Përse Proklamatat?

A e dini se ka pasur vetëm gjashtë proklamata të nxjerra nga Kisha e Jezu Krishtit e Shenjtorëve të Ditëve të Mëvonshme? Tri të parat u botuan midis viteve 1841 dhe 1865. Tri proklamatat e fundit janë botuar që nga viti 1980:

“Proclamation from the First Presidency and the Quorum of the Twelve Apostles of The Church of Jesus Christ of Latter-day Saints [“Proklamatë nga Presidenca e Parë dhe Kuorumi i Dymbëdhjetë Apostujve të Kishës së Jezu Krishtit të Shenjtorëve të Ditëve të Mëvonshme”] (1980), e miratuar nga Presidenti Spenser W. Kimball (1895–1985) dhe e lexuar nga Plaku (në atë kohë) Gordon B. Hinkli në përvjetorin e 150‑të të organizimit të Kishës.
“Familja: Një Proklamatë drejtuar Botës” (1995), e lexuar nga Presidenti Gordon B. Hinkli në mbledhjen e përgjithshme të Shoqatës së Ndihmës për të dhënë deklaratën zyrtare të Kishës mbi doktrinën e familjes.
“Rivendosja e Plotësisë së Ungjillit të Jezu Krishtit: Një Proklamatë në Dyqindvjetor drejtuar Botës” (2020), e lexuar nga Presidenti Rasëll M. Nelson gjatë konferencës së përgjithshme të prillit 2020, 200 vjet pas Vegimit të Parë. Ajo ripohoi se Jozef Smithi ishte një profet i Perëndisë dhe se Kisha e Jezu Krishtit e Shenjtorëve të Ditëve të Mëvonshme është Kisha e rivendosur e Jezu Krishtit.

Proklamatat kanë si qëllim çdo njeri anembanë botës. Ato janë “solemne dhe të shenjta nga natyra dhe … lëshohen me qëllimin që të sjellin në dritë, të lartësojnë dhe të rregullojnë punët e Kishës si mbretëria e Perëndisë në tokë”. Proklamatat janë një dëshmi e rrallë dhe e fuqishme që ne kemi një profet të gjallë i cili i udhërrëfen Kishën dhe botën sot.