“Vegimi i Parë”, Miku, janar 2025, f. 26–28.
Histori nga Shkrimet e Shenjta
Vegimi i Parë
Mund ta lexosh këtë histori te Joseph Smith – Historia 1:1–20.
Kur Jozef Smithi ishte i ri, shumë kisha jepnin mësim gjëra të ndryshme rreth Jezu Krishtit. Jozefi nuk dinte se me cilën kishë të bashkohej.
Një ditë, ai lexoi te Jakob 1:5 në Bibël. Thotë se nëse kemi nevojë për urti, mund t’i kërkojmë Perëndisë. Jozefi vendosi ta bënte këtë.
Në një ditë të bukur pranvere, Jozefi shkoi në pyll për t’iu lutur Atit Qiellor.
Jozefi ra në gjunjë dhe filloi të lutej. Por pastaj ai ndjeu errësirë rreth e rrotull vetes. Jozefi u frikësua. Ai i kërkoi ndihmë Perëndisë.
Papritur, Jozefi pa një dritë të ndritshme që zbriti nga qielli. Ai pa Atin Qiellor dhe Jezu Krishtin duke qëndruar në ajër. Ati Qiellor tha emrin e Jozefit. Më pas, Ai tregoi me gisht për nga Jezu Krishti dhe tha: “Ky është Biri Im i Dashur. Dëgjoje Atë!”
Jezusi i tha Jozefit se ai nuk duhej të bashkohej me asnjë nga kishat.
Jozefi do të ndihmonte në rivendosjen e plotësisë së ungjillit në tokë.
Jozefi nuk ishte më i pështjelluar. Ai u mbush me gëzim! E dinte se Perëndia e donte atë. Disa njerëz nuk besonin se ai e kishte parë Atin Qiellor dhe Jezu Krishtin, por ai e dinte se ishte e vërtetë.