Kar Mālejjon̄e im Kōkajoorļo̧k ilo Kraist

Ro jeiū im jatū rejitōnbōro, ij en̄jake iakwe eo an Irooj ilo ad ippān doon. N̄a ij ettā n̄an kōnono ippemi. Ij jar bwe Jetōb enaaj bōkļo̧k n̄an būruōmi ta eo Irooj enaaj kōņaan bwe kom̧in ron̄jake, eļapļo̧k jen naan ko inaaj kwaļo̧k.

Iien ko remootļo̧k ikar kappukot n̄an ekkatak physics im mathermatic ilo iiō in college ko aō. Ikar en̄jake aō kar edodo. Ikar jino in en̄jake bwe iaar tin kajjieon̄ n̄an ekkatak juon men eo me ijjab maron̄e. Ļaplōk in en̄jake kar aō edodo, ej dikļo̧k aō en̄jake kajoor n̄an kajjieon̄. Aō ebbweer ear tōl eō n̄an en̄jake bwe kijejeto ko aō raar mōttan jidik ejeļo̧k tokjeer. Ikar jino n̄an ļōmņak in bōjrak, in kōm̧m̧ane juon men epidodo ļo̧k.

Ikar en̄jake mōjno. Ke iaar jar, ikar en̄jake juon kam̧ool elur jen Irooj. Ikar en̄jake An kōnono ilo ļōmņak eo aō, “ij melejjon̄e kom̧, ak ij barāinwōt pād ippemi.”

Iaar jab jeļā m̧okta meļeļein aolepen naan ko. Bōtaab iaar jeļā ta in kōm̧m̧ane—iaar ilo̧k im jerbal.

Kōn lin̄ūri im jerbale ilo aolepen iiō ko tokālik, ikar jino meļeļe ennaan in rōjan̄ in ilo jeje ko rekwojarjar: “I maroñ in kōṃṃan men otemjej ilo Eo ej kakajoor eō.”

Ikar jeļā bwe apan̄ ko aō kōn physics eaar lukkuun juon menin letok jen Irooj. Eaar katakin eō bwe kōn jipan̄ eo An, iaar maron̄ in kōm̧m̧ani men ko raar eppen eļan̄n̄e eaar wōr aō tōmak bwe Enaaj kar pād ijen n̄an jipan̄ eō. Kōn menin letok in, Irooj eaar kōm̧m̧ane n̄an mālejjon̄e im kōkajoor eō.

Naan eo mālejjon̄ ewōr jejjo meļeļe ko an. N̄an mālejjon̄e juon men ejjab n̄an teej e wōt. Ej n̄an kōļļapļo̧k an kajoor. N̄an mālejjon̄e juon wūdin māāl ej n̄an likūti ium̧in jum̧ae. Māāņāņ, eddoin, im kajoor kar kobaiki, mae iien paotok eo an em̧ool ej ļapļo̧k im waļo̧k. Juon māāl ejjab mōjņo jān juon mālejjon̄. Ilo m̧ool, ej erom juon men me jab maron̄ in kar lōke, juon men ebwe an kajoor n̄an ineek eddo ko reļļap.

Irooj ej mālejjon̄e kōj eļap ilo ejja wāween eo n̄an kōkajoorļo̧k kōj. Mālejjon̄ ejjab itok ilo iien kadikdik ak kaeņōm̧m̧an. Ej itok ilo iien ko n̄e jej en̄jake an ļap jen ad maron̄ bōke. Irooj ej katakin bwe jen wōnmaanļo̧k wōt in eddek im jab m̧ōk ilo ad jerbal bwe jen jab ebweer, bwe jen kajjieon̄ wōt.

N̄e jej wōnmaanļo̧k wōt in tōmak ilo Jisōs Kraist—men̄e men ko rej eppen tok n̄an kōj ilo juon iien eo—jej erom̧ kajoorļo̧k ilo jetōb. Rekoot in jeje ko rekwojarjar rej kwaļo̧k m̧ool in.

Rikanaan Moronai, juon iien, kar melejjon̄e im kōkajoorļo̧k ilo juon wāween. Ekar mour make ļo̧k iaan ilo iiō ko an āliktata. Ekar jeje kōn an ejjeļo̧k mōttan, bwe raar man jemān, bwe armej ro an rekar ko̧kkure er. E rar kappukot jān rein rekar kōņan bōk mour eo an.

Jekddon ak Moronai eaar jab ebweer. Ijjelo̧kin, ekar je naan in kam̧ool eo an kōn Jisōs Kraist ion pileij ko n̄an armej ro eban kar mour im loe er, ekoba ro ineen armej ro raar kōņaan kamej e. Ekar jeje n̄an kōj. Ekar jeļā bwe jet remaron̄ kar kajirere kōn naan ko an. Ekar jeļā bwe jet renaaj kar kōjedo̧o̧ņi. Jekdoon ekar jeje wōt.

Ilo mālejjon̄ eo an, tōmak eo an Moronai ear idajon̄jon̄e im kar kōkajoorļo̧k. Eaar jino an erreo. Naan ko an raar bōkļo̧k kajoor eo an juon eo me ekar tiljek im niknik n̄an jemļo̧kin. Jemaron̄ en̄jake kajoor eo ilo ad riiti naan in kam̧ool eo an.

“Kiiō n̄a, Moronai, ij jeje jidik āinwōt an em̧m̧an n̄an eō; im ij jeje n̄an ro jeiū im jatū, riLeman ro; im ikōņaan bwe ren jeļā jeļā ke elōn̄ļo̧k jān ābukwi im ron̄oul iiō ko raar eļļā jān ke kakōļļe eo kar letok kōn itok eo an Kraist.

“Im ij sili ļo̧o̧k kein, ālikin aō kar kōnono jet ennaan ilo iaļan kōketak kom̧.

“Lo, ikōņaan kōketak kom̧ bwe n̄e kwōnaaj kōnono jān men kein, im eļan̄n̄e e mennin mālōtlōt ilo Anij bwe kom̧in kōnono jān i, bwe kom̧in keememej ekōjkan an Irooj kar tūriam̧okake ro nejin armej, jān ejaake an Adam em̧ool laļtak m̧ae iien eo kom̧ naaj bōk men kein, im kejakļo̧kjeņ kōn e ilo būruōmi.

“Im n̄e kom̧ naaj būki men kein, ikōņaan kōketak kom̧ bwe kom̧in kajjitōk ippān Anij, Jemān Indeeo, ilo etan Jisōs Kraist, eļan̄n̄e men kein rej jab m̧ool; eļan̄n̄e kom̧ naaj kajjitōk kōn juon bōro em̧ool, kōn lukkuun kōttōpar, im ewōr tōmak ilo Kraist, Enaaj kwaļo̧k m̧ool in n̄an kom̧, jān kajoor eo an Jetōb Kwojarjar.

“Im jān kajoor eo an Jetōb Kwōjarjar kom̧ maron̄ jeļā m̧ool eo an men ko otemjeļo̧k.”

Naan in kam̧ool eo an Moronai kar mālejjon̄e ilo awa in ajimakeke ko, ijoke ej romaak kōn meram n̄an tōl aolep epeepen ko rej kappukot Jemed Ilan̄ im Rilo̧mo̧o̧r Jisōs Kraist.

Bar juon rikanaan an Bok in Mormon, Jekab, kar mālejjon̄e im kar kōkajoorļo̧k āinwōt juon ajri eo eaar en̄jake en̄taan im eļap būrom̧ōj. Ak jemān, Liai, ekar katakin e bwe Anij enaaj kar kōjeraam̧m̧an e ilo mālejjon̄ ko an.

“Im lo, ilo raan in ajri ko am̧ kwaar en̄taan elōn̄ kaen̄tanaan ko im eļap kabbūrom̧ōjm̧ōj, kōn ablep eo an ļōm̧aro jeiūm̧.

“Mekarta, Jekab, eo nejū m̧oktata ilo āne jem̧aden, kwo jeļā Ļap Bōtata eo an Anij; im Enaaj ukōti en̄taan ko am̧ n̄an am̧ ļapļo̧k.

“Kōn menin, jetōb eo am̧ enaaj jeraam̧m̧an, im kwōnaaj pād ilo oņaake em̧m̧an ippān ļeo jeiūm̧, Nipai; im raan ko am̧ renaaj jako ilo jerbal n̄an am̧ Anij. Kōn menin, ijeļā ke em̧ōj lo̧mo̧o̧ren eok, kōn wānōk an am̧ Ripinmuur, bwe kwaar lo bwe ilo iien eo ejejjet E ej itok im bōktok mour n̄an armej.”

Rikanaan Josep Smith eaar en̄jaake mālejjon̄ rōt in im kajoorļo̧k ke eaar pād ilo kalbuuj eo ilo Liberty. Ilo an en̄taan ilo jetōb, Rikanaan Josep eaar jan̄ im ba:

“O Anij, kwo pād ia? …

“Ewi toun naaj an Peim tōt wōt?”

Irooj eaar loe en̄taan eo ilo Josep im maron̄ eo an lukkuun jeļā en̄taan ke Ekar uwaak:

“Neju maan, Aenōm̧m̧an n̄an jetōb eo am; inebata im jorrāān kein am rej n̄an wōt jidik iien;

“Innām, eļan̄n̄e kwo naaj kijejetoiki em̧m̧an, Anij enaaj kotak eok ijo eutiej; kwo naaj anjo̧ ioon aolep rijum̧ae ro am.”

Waanjon̄ak eo eļaptata an mālejjon̄ im kōkajoorļo̧k ej waļo̧k ilo Pinm̧uur eo an Rilo̧mo̧o̧r. Ekar bōk Ioon jerawiwi ko an laļ. Ear inek en̄taan ko ad im būrom̧ōj ko ad. Ekar idaak kap eo emeo̧. Kar mālejjon̄e an tiljek ilo aolep iien.

Kōn wōt Pinm̧uur eo An eaiboojoj, Jisōs Kraist emaron̄ kōkajoorļo̧k kōj ilo iien mālejjon̄ ko ad. E ejeļā wāween jipan̄ kōj kōnke Ekar en̄jaake aolep mālejjon̄ ko me jenaaj kar en̄jaake ilo mour in. “Enaaj bōk ioon metak ko im nan̄inmej ko armej ro an … bwe en maron̄ jeļā ekkar n̄an kanniōk ekōjkan jipan̄ armej ro an ekkar n̄an m̧ōjņo̧ ko aer.”

Jej katak bwe ilo tōre eo ilo Jikin Kallib Gethsemane, Rilo̧mo̧o̧r eo ekar kajjitōk ippān Jemān eļan̄n̄e mālejjon̄ eo emaron̄ ilo̧k jen E—ijoke Ekar bar ba eļan̄n̄e a ankil Jema, innem Rilo̧mo̧o̧r enaaj kōm̧m̧ane. Ilo bar jet naan, Rilo̧mo̧o̧r em̧ool eaar bōke ioon pere im jab jeļā, ijoke E eaar wōr an tōmak ilo Jemān Ilan̄.

Ro jeiū im jatū, ami mālejjon̄ im kōkajoorļo̧k emaron̄ in jab āinwōt eo an Moronai ak Jekab ak Rikaanan Josep. Ijoke enaaj itok. Emaron̄ in lur an itok, ilo mālejjon̄ ko an mour in baam̧le. Emaron̄ in itok ilo nan̄inmej ak inepata ak būrom̧ōj ak ajimakeke.

Ij kwaļo̧k kam̧ool bwe iien kein rejjab kein kam̧ool bwe Irooj eaar eļļo̧k jen eok. Ijjelo̧kin, rej menin kam̧ool bwe E ej iakwe eo̧k elapļo̧k n̄an karreo im kōkajoorļo̧k eo̧k. Ej kōkajoorļo̧k eok n̄an ineek eddo eo an mour indeeo.

Eļan̄n̄e jej pād im tiljek ilo jerbal in ad, Irooj enaaj kareoik kōj. E enaaj kōkajoorļo̧k kōj. Im juon raan jenaaj reilikļo̧k im loe ke māļejjon̄ kein reļļap raar menin kam̧ool kōn iakwe An iakwe. Jenaaj loe bwe E eaar ļōme kōj n̄an maron̄ in n̄an jutak Ippān ilo aiboojoj in An. Āinwōt an Rijilōk eo an Irooj etan Paul kar ba ilo jem̧ļo̧kin mour eo an, “Iaar tariņae tariņae em̧m̧an, iaar kam̧ōjļo̧k iaekwoj eo aō, iaar dāpij tōmak eo.”

Ij kam̧ool bwe Anij ejeļā wōn kwe. Ejeļā kōn mālejjon̄ ko kwoj jelmaeki. E ej pād ippām. E ejjamin eļļo̧k jen eok. Ij kam̧ool bwe Jisōs Kraist ej Nejin Anij. E ej ad kajoor, ad Ripinm̧uur, ad kōjātdikdik. Eļan̄n̄e jej lōke E, Enaaj kōm̧m̧an bwe kajoor eo ad ilo jetōb en jon̄an wōt juon n̄an aolep mālejjon̄ ko kar kūr kōj n̄an ineeki. Ij lukkuun kam̧ool ilo āt eo ekwojarjar etan Jisōs Kraist, amen.