Im Kiiō Ij Loļo̧kjeņ

Kōn eļap iakwe jej kobaļo̧k ippān naan ko an Būreejtōn Oaks kōn jako eo an Būreejtōn Russell M. Nelson. Im kōn ejja iakwe in wōt im būromōn̄ em̧wilaļ, jej kile joreen ko ilo Michigan rainin im etin aolep raan ipeļaakin laļin. Jej kile men kein kōn iakwe im lōke ilo Irooj Jisōs Kraist.

Jepta ratimjuon in Jon ej rekoote iien eo ke Jisōs im rijilōk ro An raar etetal rekar kijoone juon ri owar, ear pilo jān ke ekar ļotak Menin ekar tōl rikaļoor ro n̄an kajjitōk ippān Jisōs jejjo kajjitōk ko kōn kabun̄ rekaipokpok ikkijeen ijjino eo im oktak eo an jon̄an eo an em̧m̧aan in. Masta eo eaar uwaak ilo an kōm̧m̧ane juon men epidodo im kanooj in kailibōkbōk. E ej kaplo ioon bwidej im iiōki bwidej kōn clay Innām ej kapit mejān ļeo epilo kōn bwidej eo, ba en kwaļe mejān ilo pool eo an Siloam. Ļeo epilo ekar pokake im kōm̧m̧ane aolepen menin im “[itok] im loļo̧kjeņ,” jeje ko rekwōjarjar rej ba. Ewi jon̄an aorōk in kein kam̧ool, ejjab āinwōt etōnak ko ak iakweelel ak ikideelel eo n̄an kōm̧m̧an men ko renana im reoktak ro rej jum̧ae m̧ool.

Aaet, kōn mijak wōt n̄e kabwilōn̄ļōn̄ in enaaj kar bar kaļapļo̧k kajjitōk eo an kar Jisōs kōņ kajoor eo ippeer, rikōjdat ro an Rilo̧mo̧o̧r raar jelm̧ae ļeo ej kiiō loļo̧kjeņ im eaar ba n̄an e ilo illu, “Kōm jeļā [Jisōs] ej juon rijerawiwi.” Ļeo ekar ron̄jake jidik iien, innām ba, “I jaje e ri jero̧wiwi ke … , ijjab jeļā: [ak] men in [ijeļā], bwe, … ke i kar pilo, kiiō ij loļo̧kjeņ.”

Jisōs kar leļo̧k meļeļe eo m̧oktata n̄an jon̄an in, kenaanik rikaļoor ro An menin ear waļo̧k “bwe jerbal ko an Anij ren waḷọk.” Keememej bwe ruo kattōn ilo bwebwenato in jerbal eo an Rilo̧mo̧o̧r kar kwaļo̧k āinwōt “ekapit” mej ko mejān ļeo epilo, juon jerbal n̄an kadedeļo̧k jen kwaļe. Kōmeļeļe in “jerbal ko an Anij [ren] waļo̧k” emaron̄ kwaļo̧k juon kain̄i ejan̄in waļo̧k.

Bar juon m̧ool eo me ej kein kamool ijin rej kein jerbal ko Rikōm̧anm̧an eo an lan̄ im laļ im aolepen ilo er kar kōjerbale n̄an letok kabwilōn̄lōn̄ in: kaplo im juon pā eobrak kōn bwidej! Kein kare kein rejeja ej kwaļo̧k bwe Anij emaron̄ kōjeram̧m̧an kōj kōn jabdewot wāween eo Ej kāālete. Āinwōt Neaman eaar dike Reba Jordan ak ro nejin Israel rej m̧akoko in reilo̧k n̄an jedpānit eo ioon jurōn flag eo, ewi jon̄an an pidodo n̄an koj n̄an joļo̧k kajoor in lo̧mo̧o̧r eo ad kōnke kein kare ko im kein jerbal ko rejjab lukkun allikar aer waļo̧k.

Ak jej keememej jen Bok in Mormon bwe jet men ko ralikkar im aorōk jimōr im bwe m̧okta jān ļotak eo an Jisōs, naaj kar kanaan kake bwe “ippān [en kar] ejjeļo̧k wāween em̧man ak wūlio; im jej [aikuj] lo e, e jab aiboojoj bwe jān kōņaan E.” Ewi emakijkij in an Anij jilkintok naan ko An rōutiej bōtata jen juon būreejtōn an Doulul eo an Kōrā ro ekāāl im ekūmkūm ak juon laddik eo ekar jab jikuuļ ilo juon farm ilo New York ak juon mijenede ekāāl ak juon nin̄nin̄ ej babu ilo juon menja.

Innām ta eo eļan̄n̄e uwaak ko n̄an jar ko ad rej mālij ak iaļ ko rejjab jim̧we? Jej ke m̧ōņōņō in wōnmaanļo̧k wōt, n̄an kajjion̄ wōt in mour kōn gospel an Kraist jekdoon enaaj bōk jete kaplo im clay? Emaron̄ jab aolep iien alikkar n̄an kōj ta eo em̧ōj an dedeļo̧k ak etke, im jān iien n̄an iien, jenaaj aolep en̄jake juon kōņaan edik āinwōt kōrā eo jeiū erūtto ear ba, “Irooj ak etke ejjab juon kōjeram̧m̧an eo me ejjab peljo̧?”

Ļōmņak kōn kein kam̧ool eo an bar juon m̧ool, menin ej kōn priesthood kwojarjar eo. Ilo jeje kōn doulul eo an Kabun̄ eo an meridian, ļain eo kein kajuōn ilo bok in Luk ej riit: “Im Ej ān̄in̄intok jon̄oul im ruo, im leļo̧k n̄an er maron̄ im kajoor,” menin letok ko rejjab leļo̧k ioon jon̄an kapeel in jeļā ko ak jen m̧anit ak jen maron̄ eo itok jen won eo kwar lōtak jen e. Rej jab letok jen jikuul ko reļap ak jikuul in rikaki an kabun̄. Rej leļo̧k kōn wōt likūti pā ko jen juon eo em̧ōj kar likuti ioon jen pā ko remālim kar leļo̧k n̄an e ilo juon laajrak ekar jab būlo̧k jen jinoin liklo̧k n̄an eo aolep kajoor rekwojarjar reped ippān, eo Irooj Jisōs Kraist.

Im ilo juon kabun̄ eo me ej meļeļe mennin letok eo an tūriam̧o, eban ke kar bar juon kein kam̧ool kōn m̧ool eo an kabun̄ eo n̄an lo kōjeram̧m̧an kein im bujen ko ilo̧k n̄an ro nukid remij, rein jān baam̧le ko ad ro rar ilo̧k m̧okta jān kōj? Remaron̄ ke kar kaje er kōnke ekar ejeļo̧k ad maron̄ n̄an gospeļ eo ak kōnke raar ļo̧tak ilo juon tōre ak ilo juon jikin eo me kain̄i ko rekwojarjar im bujen ko ekar ejeļo̧k n̄an er? Kabun̄ eo an Jisōs Kraist im Armej ro Rekwojarjar ilo Raan Ko Āliktata ewōr an, im̧ōko kar aji im̧ōn Irooj ilo wāween jerbal n̄an mour indeeo ekar dedeļo̧k jerbale n̄an ro remej, barāinwōt leļo̧k iien ko rem̧m̧an an kabun̄-jar im kain̄i ko n̄an ro remour. Ilo jeļā e aō, kein kam̧ool in kōn mool eo Anij, iakwe in An n̄an ro remour im ro remij, ejjab loe ilo ijoko jet ilo laļin—ijello̧kin wōt ilo juon kabun̄ me ej kwaļo̧k m̧ool eo ilo jekjek in: Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Jino in tata aō loe, iioone ilo mour in ippān kein kam̧ool eo em̧ool ekar jab itok kōn kapit kōn clay ak pool eo an Siloam. Jaab, kein jerbal in m̧ool eo me ekar bōktok aō kemour jān Irooj ekar itok āinwōt peij ko an juon bok, aaet, Bok in Mormon: Bar Juon Kallim̧ur kōn Jisōs Kraist! Ennaan ko ba kōn bok in kar kōnanaki im joļo̧ke jen jet ro rejjab tōmak, ejja wōt illu eo ekkā an āinwōt ļo̧k ro rekar ba n̄an em̧m̧aan eo ekar mour bwe ejjab kar jeļā en̄jake in ta eo ekar en̄jake.

Elōn̄ rej illu ippa bwe wāween an kar bok in ejaak ekar jab m̧ool, jab tōmak kake, kajookok, im aaet ejjab ekwojarjar. Kiiō, ennaan kein reddo rej jān jabdewōt eo ej kajidede n̄an jeļā meļeļein an kar bok in ejaak, aaet ede in kōm̧eļeļe kar letok kōn kōm̧eļeļe ko woj ej bwe kar ukōte “kōn menin letok eo im kajoor eo an Anij.” En̄in. Ede ne. Ilo jabdewōt wāween, jelet eo an Bok in Mormon ilo mour e aō ekabwilōn̄lōn̄ ejeļo̧k oktak jen leļo̧k eo an kapilo im bwidej do̧o̧r ioon māj ko mejān ļeo epilo. Ekar, n̄an n̄a, juon aen in kōjparok n̄an būruō, juon jim̧we im kajoor emeram in revelesōn, juon rome in iaļ eo ij aikuj etetal ie elan̄n̄e marok jilōn̄lōj enaaj itok. Im aaet ekar marok jilōn̄lōn̄, im aaet enaaj marok jilōn̄lōn̄.

Im kar letok loļo̧kjen eo ekar kamool n̄an n̄a kōn aolepen iakwe im pinmuur eo an Rilo̧mo̧o̧r, ij kwaļo̧k n̄an kwe aō kamool, kwaļo̧k ijin kōn juon jinen im jemen juon em̧m̧aan eo ejeram̧m̧an ekar ba bwe ļaddik eo nejier ej aikuj ron̄ anikien kōnke “ejejjet iiō eo an.” Ekwe, āindein bar n̄a. Ekar em̧m̧an jon̄an an ritto n̄an ron̄jake, rekar ba. Ekwe, āindein bar n̄a. M̧ōttan ruo allōn̄ bwe en 85 aō iiō. Em̧ōj aō pād ilo tūrin mej im bar rooltok. Emōj ao etetal ippān kiin̄ ro im rikanaan ro, būreejtōn ro im rijilōk ro. Eo em̧m̧an tata, elōn̄ iien aō kar obrak jān Jetōb Kwojarjar eo an Anij. Ij lōke bwe aō kam̧ool ej aikuj letok jidik ļōmņak kake ijin.

Kiiō, ro jeiū im jatū, iaar itok n̄an tōmak eo aō em̧wilaļ bwe Kabun̄ eo an Jisōs Kraist im Armej ro Rekwōjarjar ilo Raan Ko Āliktata ej juon jepļaaktok eo em̧ool an Kabun̄ eo an Kallim̧ur Ekāāl—im eļapļo̧k—kōnke ij jab maron̄ kaarmejete kam̧ool eo an jepļaaktok eo. Jān en̄jake ko m̧o̧kta, ij lōm̧ņak eaar wōr ippa juon taujin—jon̄oul taujin?—kein kam̧ool ko jet me ta eo ikar kōnono kaki rainin rej m̧ool. Innām ij m̧ōņōņō kiiō n̄an pād ippān ro m̧ōtta im ippān doon ipper ilo tōrere in iaļ ko ilo Jerusalem, ijo kōn ainikiō edikļo̧k ikar al:

Ilo etan Jisōs Kraist, amen.