Kadkad In
Jej kiiō erreim̧aanļo̧k n̄an kweilo̧k in eļap kein karuo ilo iiō in āinwōt kar karōke im kōn rikōnono ro im al ko em̧ōj kar kappeik im karōki jān Būreejtōn Nelson ālkin elōn̄ allōn̄ in kōppopo ko m̧aantak.
Ro jeiū im jatū rejitōnbōro, jej kweilo̧k tok ippān doon ilo ad burom̧ōj ļo̧k ilo jako eo an Rikanaan eo ad ejitōnbōro, Būreejtōn Russell M. Nelson Ij kōnono n̄an kom̧ āinwōt Būreejtōn eo an Jon̄oulruo Rijilōk ro, kūr in me rej rejtake n̄a n̄ane ilo kajjojo iien kweilo̧k—ward, stake, im kweilo̧k eo eļap—ium̧win jimjuon jimatten iiō.
Jej kiiō erreim̧aanļo̧k n̄an kweilo̧k in eļap kein karuo ilo iiō in āinwōt kar karōke im kōn rikōnono ro im al ko em̧ōj kar kappeik im karōki jān Būreejtōn Nelson ālkin elōn̄ allōn̄ in kōppopo ko m̧aantak. Men ko de kein imaron̄ kōm̧m̧ani, kwaļo̧k kadkad ilo tukadin, im kōnono ilo etan Būreejtōn Nelson n̄an kōjem̧ļo̧k nej m̧wen̄an eo an Jabōt ālkin raelep.
Ej kab kein kajuon ilowaan 75 iiō in an wōr juon Būreejtōn an Kabun̄ in me ej mej jejjo raan m̧okta jān kweilo̧k eo eļap. Menin ekar kōm̧m̧an bwe kōm en kūr n̄an juon kweilo̧k eo eļap an aorōk me ej iookļo̧k kweilo̧k eo eļap barāinwōt m̧wen̄ān ko reļļap an kweilo̧k in, ejja iien in wōt karōke iien ilomej eo ad iien eo em̧ōkaj tata. Būreejtōn Nelson ekar meļeļe aorōkin kweilo̧k in eļap n̄an tōl Rikwojarjar ro ilo allōn̄ kane rej peddo tok. Jej kautiej e ilo ad ļoor karōk in kweilo̧k in em̧ōj karōke.
Ilo iien in jej burom̧ōj, em̧ōj ad kar kōm̧m̧an iien ippān doon n̄an kautiej im kam̧m̧oolol Būreejtōn Russell M. Nelson m̧okta jān kweilo̧k ko an kweilo̧k in eļap innem karōke iien ilomej eo ad ippān ilo iien eo em̧ōkaj tata ālkin kweilo̧k in. Aolepān karōk kein em̧ōj kadede kar kōmālimi jān baam̧le eo an Būreejtōn Russell M. Nelson im Doulul eo an Jon̄oulruo ro.
Kōnke em̧ōj kappeik kōm n̄an kōnono ilo kweilo̧k in eļap, im jekōņaan wūjlepļo̧k iien kein ad n̄an ad kwaļo̧k ad kautiej im kam̧m̧oolol Būreejtōn Nelson, em̧ōj kajjitōk bwe rikōnono rein n̄an kweilo̧k in ren kadik iien aer kwaļo̧k aer burom̧ōj ilo iien aer kwaļo̧k bwe menin enej bōk jikin ilo iien ilomej eo ad ippān, eo me em̧ōj ad jinoe karōke.
Naan in kautiej im kam̧m̧oolol ko aō make—ejejjet n̄an kweilo̧k in eļap im ad kar kwaļo̧k ad burom̧ōj ļo̧k ippān—ej bwe ikar ekkatak eļapļo̧k kōn gospel in im ritōl ro an gospel in jān ippān juon jera im m̧ōtta eo eto aō jeļā kajjien Būreejtōn Nelson jān jabdewōt armej ijeļā kajjier. E ej juon ad riwaanjon̄ak āinwōt juon rikarejar im rikaļoor an Irooj Jisōs Kraist. Men kein ij kam̧ooli ilo etan Jisōs Kraist, amen.