Pe Mormón Kuatiañe’ẽ pu’aka
Ajerure’asy opavave ñande taja’estudia ha tajajepy’amongeta Mormón kuatiañe’ẽre ára ha ára.
Che hermano ha hermanakuéra ahayhuetéva, pomoĝuahẽ porãite ñañembyaty jeývo ko tuicha conferencia general Iglesia de Jesucristo de los Santos de los Ultimos Dias-guápe. Añepyrũ mboyveche discurso ko árape, ame’ẽse anuncio cinco templo pyahu rehe oñemopu’ãtava ko’ã tendape: Brasília, Brazil; Manila, Filipinas; Nairobi, Kenya; Pocatello, Idaho, Estados Unidos; ha Saratoga Springs, Utah, Estados Unidos.
Ko pyharevépe añe’ẽta Mormón Kuatiañe’ẽ pu’aka rehe ha tuicha tekotevẽ jaguerekóva ko tupaogua miembro-icha ja’estudia, py’amongeta ha jaipuru hekombo’ekuéra ñande rekovépe. Ndaikatúiva ja’epa tuicha mba’e ha’eha jareko testimónio iñemovã’y ha añeteguava Mormón Kuatiañe’ẽgui.
Javivi peteĩ épokape oĩháme tuicha desafiokuéra ha tekovai. ¿Mba’e ñanemo’ãta umi pekado ha ñañágui oĩ hetaitereíva ko mundo ko’áĝaguápe? Aĩ konvensido peteĩ testimonio oñemova’ỹva ñande Salvador Jesucristo ha Iñevangéliogui ñanepytyvõta ñaime haĝua a salvo. Napemoñe’ẽirõ hína pe Mormón Kuatiañe’ẽ ára ha ára, pejapomína. Pemoñe’ẽrõ espíritu de oración reheve ha peikuaase añetévo pe añetegua, Espiritu Santo oikuaaukáta peẽme añeteguaha. Añeteguárõ, ha atestifika solemnementeañeteguaha, upéicharõ José Smith ha’e peteĩ profeta ohechava’ekue Tupã pe Túva ha Ita’ýra Jesucristo-pe.
Mormón Kuatiañe’ẽ ha’égui añetegua, Iglesia de Jesucristo de los Santos de los Ultimos Dias ha’e Ñandejára tupao yvy ári, ha pe Tupã Santo Sacerdocio ojerrestaura Ita’yrakuéra beneficio ha jehovasarã.
Ndapeguerekóirõ peteĩ testimonio oñemovã’ỹva ko’ã mba’égui, pejapo tekotevẽva pehupyty haĝua upéva. Iñesencial peguereko peteĩ testimonio propio ko’ã ára hasyetereívape, ambuekuéra testimonio oservítagui peẽme cierto punto pevénte. Upevére, pehupyty vove, upe testimonio oĩva’erã activo ha vivo ñaneñe’ẽrendu memévo Tupã mandamientokuérare, ha ñembo’e ha estudio de las escrituras rupive.
Che colegakuéra ko Ñandejára rembiapópe pohayhuetéva, ajerure’asy opavavepe taja’estudia ha tajajepy’amongeta Mormón kuatiañe’ẽre ára ha ára espíritu de oración reheve. Jajapórõ upéicha, ikatuta ñahendu pe Espiritu ñe’ẽ, jagueropu’akáta umi tentación, jasuperáta umi duda ha kyhyje, ha jarrecibíta pytyvõ Yvágagui ñande rekovépe. Upévagui atestifika opaite che korasõ reheve, Jesucristo rérape. Amén.