Py’aporã, karida ha mborayhu

Che hermano-kuéra ahayhuetéva, avy’a ko privilegio arekóvare añe’ẽ hağua peẽme ko reunión mundial de fieles poseedores del sacerdocio de Dios-pe. Ko pyhare añe’ẽta peteĩ tema añe’ẽma hague.

Profeta Mormón oñe’ẽ peteĩ umi característica clave Salvador orekóvare, ha Idiscípulo kuéra upéicha ojapova’erã avei. Ha’e he’i:

“… ha peteĩ kuimba’e imarangatu ha ikorasõmirĩramo, ha okonfesáramo Espíritu Santo pu’aka rupive Jesús ha’eha pe Cristo, tekotevẽ oguereko karida; ha ndoguerekóiramo karida ha’e ndaha’éi mba’eve; upévare, tekotevẽ oguereko karida.

“Ha pe karida ohasa’asykuaa, ipy’aporã, ndoguerekói envidia ni ndaijejapói, ndohekái ijupe ğuarã, nda’ipochyreíri. …

“Upévare, che joyke’ykuéra ahayhuetéva, ndapeguerekóiramo karida, peẽ ndaha’éi mba’eve, pe karida ndopáigui araka’eve. Upévare, pejejagarrána upe karida rehe, tuichavéva opaite mba’égui, opa mba’e opátagui;

“ha katu karida ha’e Cristo mborayhu potĩ, ha opyta tapiaite ğuarã; ha upe oguerekóva ára pahápe, oho porãta.

Che hermano-kuéra, nañande py’aporãiramo ambue tapicha ndive, nañambomba’éi Ñandejára sacerdocio.

Che amado amigo ha colega, élder Joseph B. Wirthlin, ha’eva’ekue añetehápe peteĩ kuimba’e ipy’aporãva. Ha’e he’i:

“Pe py’aporã ha’e vida celestial esencia, peteĩ tapicha Cristo joguaha péicha otrata ambue hapichakuéra. Pe py’aporã oĩva’erã opa ñane ñe’ẽ ha ñane rembiapópe, mbo’ehaópe, ñamba’apo hápe, Tupaópe ha especialmente, ñande rogapýpe.

“Jesús, ñande Salvador, opersonifikava’ekue pe py’aporã ha poriahuvereko”.

Escritura-kuéra ñane mbo’e jaiporu porã hağua pe sacerdocio, odepende javivíramo ko’ã principio ha’éva py’aporã, karida ha mborayhu. Doctrina y Convenios-pe jaleé ko’ã mba’e:

“Mba’evéichagua pu’aka térã influencia ndaikatui ni nañamanteneiva’erã en virtud del sacerdocio, térã katu persuasiõ, …jehasa’asykuaa, py’aporã, py’amirĩ ha mborayhu añete rupi;

“py’aporã ha conocimiento puro rupi, ombotuichátava pe ánga, py’amokoĩ ha py’avai’ỹre.”

Che hermano-kuéra, ñamañami ñande rekovére ha jadecidi jaseguí con determinación Salvador ejemplo jarekóvo py’aporã, mborayhu ha karida. Péicha jajapóramo, ñaime porãvéta jajerure hağua umi yvága pu’akakuéra toguejy ñane akã ári, ñane familia-kuéra ha ñane compañero-kuéra ári, jahávo ko tape sapy’ante ijetu’úvare, jahajeývo ñande róga yvágape oĩva. Ko’ã mba’e ajejure Ñandejára Jesucristo réra marangatúpe. Amén.