Pe Trinidad ha pe Plan de Salvación

Ñande primer Artículo de Fe he’i: “Nosotros creemos en Dios el Eterno Padre, y en Su Hijo Jesucristo, y en el Espíritu Santo”. Ñande jajoaju opavave cristiano ndive ko jeroviápe peteĩ Túva ha peteĩ Taýra ha peteĩ Espiritu Santo rehegua, ha katu hesekuéra jagueroviáva idiferente ambuekuéra ogueroviávagui. Ndajagueroviái pe mundo cristiano ohenóiva Santa Trinidad doctrina. Iprimera Visión-pe, José Smith ohecha mokõi personaje distinto, mokõi seres, omohesakãvo upéicha umi jeguerovia oprevalecéva umi épokape Tupã ha pe Trinidad rehegua ndaha’eiha añetegua.

A diferencia upe creencia Tupã ha’eha peteĩ misterio ñaikumby’ỹ ha jaikuaa’ỹva, oĩ pe añetegua pe Tupã naturaleza ha ñande relación Hendive ikatuha, ha ha’eha pe clave opa umi ambue ñane doctrina-pe. Biblia oguereko pe Jesús Ñembo’e Guasu, he’ihápe “esta es la vida eterna: que te conozcan a ti, el único Dios verdadero, y a Jesucristo, a quien has enviado”. (Juan 17:3)

Pe ñeha’ã jaikuaa haĝua Tupãme ha Hi’obra oñepyrũ ko tekove terrenal mboyve ha ndopamo’ãi ko’ápe. Profeta José Smith ombo’e: “… no… aprenderán todos los principios de la exaltación sino hasta mucho después que hayan pasado por el velo” Ñamopu’ã pe kuaapy jahupytyva’ekue mundo de los espíritus preterrenal ári. Upévare, oñeha’ãvo ombo’e Israelita-kuérape Tupã naturaleza ha Irrelación ita’ýra ha tajyrakuéra ndive, profeta Isaías he’i, ojehaiháicha Biblia-pe:

“¿Con quién, pues, compararéis a Dios, o qué imagen le compondréis?…

“¿No sabéis? ¿No habéis oído? ¿No os lo han dicho desde el principio? ¿No lo habéis entendido desde la fundación de la tierra?” (Isaías 40:18, 21).

Jaikuaa umi mbohapy miembro de la Trinidad ha’eha seres separado ha distinto, ha jaikuaa upéva instrucción ome’ẽva’ekue rupi profeta José Smith: “El Padre tiene un cuerpo de carne y huesos, tangible como el del hombre; así también el Hijo; pero el Espíritu Santo no tiene un cuerpo de carne y huesos, sino es un personaje de Espíritu. De no ser así, el Espíritu Santo no podría morar en nosotros”. (D. y C. 130:22)

Ha pe posición suprema oguerekóva Tupã pe Túva Trinidad ryepýpe rehe, ha avei umi función otokáva cada personaje-pe , profeta José Smith he’i:

“Opa Yvypóra ohechava’ekue yvága ojepe’arõ oikuaa oĩha upépe mbohapy personaje oguerekóva umi llave de autoridad, ha peteĩ ijapytepekuéra opresidipaite. …

“… ko’ã Personaje … héra Tupã peteĩha, pe Creador; Tupã mokõiha, pe Redentor; ha Tupã mbohapyha, pe Testigo térã Testador.

“La providencia del Padre [es] presidir como el Principal o Presidente, con Jesús como Mediador y el Espíritu Santo como Testador o Testigo”.

Ñakomprende pe relación jaguerekóva umi miembro Trinidad-gua ndive umi mba’e ojerrevelava’ekue rupi Plan de Salvación rehe.

redención” (Alma 42:5, 8, 11). Jesucristo Evangelio ifundamental upe plan-pe.

Tupã ra’y ha rajyháicha, ñanereñoiva’ekue Chugui espíritu ramo, peteĩ existencia ko terrenal mboyve, jahupytysékuri peteĩ destino vida eterna rehegua, ha katu japrogresa ikatuha peve jaguereko’ỹre peteĩ experiencia terrenal peteĩ tete físico reheve. Ome’ẽ hağua ñandéve upe oportunidad, ñande Ru Yvagagua opresidiakue ko mundo jejapo, ha upévape, memoria’ỹre umi oikova’ekuégui ñande nacimiento terrenal mboyve, ikatu hağuame jahechauka ñande disposición ñañongatu hağua Imandamientokuéra ha jaguereko hağua experiencia-kuéra ha jakakuaa haĝua ambue desafio-kuéra ko tekove terrenal-gua rupive. Ha katu upe experiencia terrenal pukukue, ha ñanderukuéra peteĩha je’a rupi, jasufríta pe ñemano espiritual jajeseparávo Tupã presencia-gui, ñañemongy’áta pekado reheve ha japytáta sujeto pe ñemano físico rehe. Pe Túva plan oñemotenonde ha ome’ẽ mba’éichapa ñavence hağua opa umi barrera.

Jaikuaávo pe Tupã plan guasu propósito, ñakonsidera mba’e función-pa oguereko umi mbohapy miembro Trinidad-gua upe plan-pe.

Ñañepyrũ peteĩ enseñanza Biblia-pegua. Opakuévo ikarta mokõiha corintioyguápe, apóstol Pablo ojapo ko referencia, ohasakuévo, pe Túva, pe Ta’ýra ha pe Espiritu Santo Trinidad rehe: “La gracia del Señor Jesucristo, y el amor de Dios y la comunión [“térã compañerismo”] del Espíritu Santo sean con todos vosotros” (2 Corintios 13:14).

Upe pasaje bíblico orrepresenta pe trinidad ha ojapo referencia Tupã pe Túva mborayhu ñanemokyre’ỹva odefinimbaitéva, ha pe Jesucristo misión misericordiosa ha salvadora, ha pe Espíritu Santo kompañia.

Pe Ta’ýra

Mortal-kuérape ğuarã, pe miembro Trinidad-gua ojehechavéva ha’e Jesucristo. Peteĩ tuicha declaración de doctrina ojapova’ekue Primera Presidencia 1909-pe he’i Ha’e ha’eha “el Primogénito entre todos los hijos de Dios: el primero nacido en el espíritu, y el Unigénito en la carne”. Pe ta’ýra, tuichavéva opavavégui, Túva oiporavo chupe ojapo haĝua pe Túva plan, oipuru haĝua pe Túva pu’aka ojapo haĝua mundo-kuéra jaipapakuaa’ỹva (tojehecha Moisés 1:33) ha osalva haĝua Tupã ra’y ha rajykuérape ñemanógui Irresurrección rupive ha pekádogui Hi’expiasiõ rupive. Upe “sacrificio supremo-pe” oñehenói acertadamente “el acto central de toda la historia de la humanidad”.

Umi ocasión sagrada ha únika Tupã pe Túva opresentahápe personalmente Ita’ýra, Ha’e he’i: “Este es mi Hijo Amado; a él oíd” (Marcos 9:7; Lucas 9:35; tojehecha avei 3 Nefi 11:7; José Smith—Historia 1:17). Upévare, ha’e Jesucristo, Jehova, pe Israel Tupã Ñandejára, oñe’ẽva profetakuérape ha ha’ekuéra rupive. Upéicha Jesús ojehechaukárõ guare nefitakuérape Irresurrección rire, oñepresenta Ijupe como “el Dios de toda la tierra” (3 Nefi 11:14). Upéva rupi Jesús py’ỹi oñe’ẽ umi profeta Libro de Mormón pegua ha Santos de los Ultimos días-pe como “el Padre y el Hijo”, peteĩ título oje’explikáva pe Primera Presidencia ha Quórum de los Doce exposición doctrinal inspirada-pe ojapo cien año.

Upeicharõ, mba’éicha ñanepytyvõ ñande desafiokuéra ko’áĝa guápe ñantende pe Plan de Salvacion ha pe doctrina Celestial ojerreveláva Trinidad rehegua?

Jaguereko rupi añetegua pe Trinidad ha ñande relación Hendivekuéra rehe, ko tekove propósito ha ñande destino eterno naturaleza-gui, jaguereko pe mapa iporãvéva ha seguridad ñande travesia tekove terrenal peĝuarã. Jaikuaa mávape ja’adora ha mba’érepa; Jaikuaa mávapa ñande ha mba’épa ikatu oiko ñandehegui (tojehecha D. y C. 93:19). Jaikuaa mávapa ojapo opa umi mba’e taha’e posible, ha jaikuaa mba’épa jajapova’erã jahupyty haĝua umi jehovasa supremo ojehupytýva pe Tupã Plan de Salvación rupive. Mba’éichapa jaikuaa opa umi mba’e? Jaikuaa umi mba’e umi Tupã revelación rupive Iprofeta-kuérape ha opavave ñandéve personalmente.

Jahupyty upe mba’e Apóstol Pablo odescribiva’ekue como “la medida de la estatura de la plenitud de Cristo” (Efesios 4:1) hetave oikotevẽ jahupytyguinte kuaapy. Ndohupytýi ñandéve ĝuarã ñaime convencidos Evangelio-kuéra añeteguágui; ja’actua ha ñapensava’erã ikatu haĝuáicha ha’e convertidos ha’e rupive. A diferencia umi instituciones del mundo, ñanembo’éva jaikuaa haĝua algo, pe Plan de Salvación ha Jesucristo Evangelio ñande desafia oiko haĝua ñandehegui.

Presidente Thomas S. Monson ñanembo’e haguéicha pe conferencia general paha:

Upe plan-pe, Jesucristo ñande Salvador ha’e parte fundamental. Isacrificio expiatorio’ỹre opaite mba’e oñehundiva’erãmo’ã. Upevére, ndohupytýi jagueroviánte Chupe ha Imisión; tekotevẽ ñañeha’ã ha ña’aprende, ña’escudriña ha ñañembo’e, ñañe’arrepenti ha ñamehora; tekotevẽ jaikuaa umi Tupã ley ha javivi umíva; tekotevẽ jarrecibi Iñordenazakuéra de Salvación, jajapóramo upéicha mante jahupytýta pe felicidad añetéva ha etérnova. …

“Che ánga pypukuve guive ha opa humildad reheve”, Presidente Monson he’i, “atestifika tuicha don ha’eha ñandéve ĝuarã pe ñande Ru Plan. Ha’e ningo pe úniko tape perfecto jaguereko haĝua py’aguapy ha vy’apavẽ ko mundo-pe ha upe oútavape.”

Amoĩve che testimonio ñande profeta jahayhuetéva testimonio ndive. Atestifika jaguerekoha peteĩ Túva Yvagagua ñanderayhúva. Atestifika jaguerekoha peteĩ Espíritu Santo, ñande guiáva ha atestifika Jesucristo-gui, ñande Salvador, ojapóva opa mba’e toiko, Jesucristo rérape. Amén.