Pe Evangelio ñe’ẽ
Ñambo’e pu’aka reheve iñimportanteiterei ñamombyta haĝua pe evangelio ñande rogaguakuérape, ha oikotevẽ mba’apo meme ha ñeha’ã.
Añehenói rire Autoridad General ramo, aha che familia Costa Rica-guándi Salt Lake City-peche asignación ñepyrῦrã Estados Unidos-pe. Areko pe bendición aikuaávo heta persona maravillosa iñambuéva cultura ha orígen étnicos-pe. Umíva apytépe oĩ heta, umi chéicha, onaseva’ekue Latinoamérica retãme.
Ahecha ko’ápe oĩha heta hispano primera generación-gua orekóva español iñe’ẽ peteĩha ramo ha oikuaáva avei inglés oñekomunika hağuáicha. Umi segunda generación-gua, heñoiva’ekue Estados Unidos-pe térã umi ouva’ekue michĩetépe ha oike mbo’ehaópe ko’ápe, oñe’ẽ porã inglés ha oñe’ẽ’imi español. Py’ỹi, tercera generación-pe, español, sy ñe’ẽ orekova’ekue ijypykuéra, okañýma.
Término lingüístico-pe kóva héra “ñe’ẽ ñemokañy”. Ko ñemokañy oiko jepi umi familia-kuéra ohóvo tetã ambuére iñe’ẽ oñeñe’ẽ’ỹhápe akóinte. Ndaha’éi oikóva hispano apytépente, avei umi oikóva arapýre umi ñe’ẽ oñemyengoviahápe ambue ñe’ẽre. Nefi-pe jepeve, peteĩ profeta Libro de Mormón-gua, ojepy’apy okañýrõ ğuarã ituvakuéra ñe’ẽ oñembosako’ivo oho hağua tierra prometida gotyo. Nefi escribe: “Ha péina ápe, iñarandu Tupãme jahupyty ko’ã kuatiajehaipyre, ñañongatu hağua ñande ra’ykuérape ğuarã ñande rukuéra ñe’ẽ.”
Nefi-pe avei oipy’apy okañýrõğuarã ambueichagua ñe’ẽ. Versículo oúvape jalee: “Ha avei ñañongatu hağua chupekuéra umi ñe’ẽ oseva’ekue profetakuéra imarangatúva jurúgui,oñeme’ẽva’ekue chupekuéra pe Espíritu ha pu’aka Tupã oguerekóva rupive, yvy oñepyrῦmby guive, kóva ko araite peve.”
Ahechakuaa ojojoguaha preservar peteĩ sy ñe’ẽ ha pe preservar Jesucristo evangelio ñande rekovépe.
Ko árape, che ñembojojápe, ajapose hincapié ndaha’éi peteĩ ñe’ẽ ko yvy ariguápente, ha katu peteĩ ñe’ẽ eterno ñañongatuva’erã ñane familia-kuérape ha ani ñamokañy. Ha’e pe ñe’ẽ Jesucristo evangelio rehegua. “Lengua del Evangelio-re” ha’ese opa umi ñande profetakuéra ombo’éva, ñaneñe’ẽrendu hesekuéra ha jaha tradiciones de rectitud rapykuéri.
Ahechaukáta mbohapy jey mba’éichapa ikatu japreserva ko ñe’ẽ.
Peteĩha: Taha’e tañamba’apove ha ñañangareko ogapýre
Doctrina ha Convenios-pe, Ñandejára o’invita heta tupaogua miembro prominentekuérape, avei Newel K. Whitney, omoĩ porãvo hogapy. Ñandejára he’i: “Che siervo Newel K. Whitney… avei tekotevẽ ojeja’o, ha omoĩ porã hogaguakuéra, ha oñeha’ãomba’apove ha oñangarekove hogapýpe,ha akóinte toñembo’e, térã ojepe’áta hendágui”.
Peteĩ factor oinfluía sy ñe’ẽ ñemokañýme ha’e tuvakuéra nombo’éivo ita’yrakuérape. Ndaha’éi ñañe’ẽnteva’erã ógape. Tuvakuéra oñongatusérõ iñe’ẽ, tekotevẽombo’e.. Umi investigaciones he’i tuvakuéra oñeha’ãvo conscientemente oñongatu hağua isy ñe’ẽ ohupyty jepi. ¿Mba’épa ha’ene peteĩ ñeha’ã consciente oñongatu hağua pe Evangelio ñe’ẽ?
Elder David A. Bednar, Doce Apóstoles Cuórum-pegua, he’i “Evangelio ñembo’e ha ñemodela kangymínte ogapýpe” ha’e peteĩ káusa mbarete ikatúva omondoho umi tupaogua familia multigeneracional-kuéra ciclo.
Upévare, ikatu ñambopaha oñembo’e mbaretévo ojepreserva hağua pe Evangelio ñande familiakuérape iñimportante, ha oikotevẽva mba’apo ha ñeha’ãre.
Ñañeinvita jey jey jajapyhy hağua umi Escriturakuéra estudio diario personal ha familiar apo. Heta familiakuéra ojapóva ojehovasa ára ha ára hetave unidad reheve ha peteĩ relación ağuive reheve Ñandejárandi.
¿Araka’e oikóta Escritura-kuéra estudio diario? Tuvakuéra ojapyhy ramo ipópe ha, mborayhu reheve, o’invitávo hogayguakuérape oñembyaty hağua o’estudiávo. Hasyeterei niko ko estudio oiko hağua ambuéicha.
Túva ha sykuéra, ani okañy pendehegui umi tuichaite tovasapy. ¡Ani peha’arõ areterei jepe!
Mokõiha: Peteĩ modelo mbarete ogapýpe.
Peteĩ lingüista experto ohai oñeñongatu hağua pe sy ñe’ẽ “tekotevẽoñemoingove pe ñe’ẽmitãnguérape ğuarã.” Tajajapo pe ñe’ẽ “oikove” pe ñembo’e ha pe modelo ohóvo ojopóre.
Chemitãvévo amba’apo che ru fábrica-pe vacación aja. Oporandu ñepyrῦva chéve jepi ome’ẽ rire chéve che salario ha’e: “¿Mba’e rejapóta nde pirapirégui?”.
Che aikuaa ha ambohovái: “Apaga pe diezmo ha añongatu misión-rã”.
Amba’apo rire ócho áño pukukue ha ajapomeme rire pe porandu, che ru opensa chembo’ehague apaga hağua diezmo. Pe ha’e ndoikuaáva che aikuaahague ko principio importante peteĩ fin de semana-javénte. Pehejami tamombe’u peẽme mba’éichapa a’aprendékuri upe principio.
Heta oikóva rire guerra civil aja Centroamérica-pe, che ru negocio oñehundi ha ohasa oreko rire 200 omba’apóva ára pukukue orekóvo haimete cinco costurera omba’apóva ore róga garaje-peojejerurévonte. Peteĩ ára,umi ára hasyetéva aja, ahendu che rukuéra odikuti opagátapa pe diezmo térã ojoguátapa tembi’u hogaguakuérape ğuarã .
Domingo aha che ru rapykuéri ahecha hağua mba’épa ojapóta. Tupao reunion-kuéra rireahecha ojapyhy peteĩsobre haomoinge diezmo ipype. Upéva ha’e pe mbo’epy pehẽnguénte. Porandu che arekóva ha’e mba’épa jakarúta.
Lune pyharevete, kuimba’ekuéra ohenói okẽme. Aipe’ávo, oporandu hikuái che rúre. Ahenói chupe ha oğuahẽvo, umi visitante oñe’ẽ chupe peteĩ ao jerure urgente-re oñemboyvy pya’eva’erã. Ha’i chupe pe jerure tekotevẽgui ipya’etereígui opaga raẽvetaha chupe. Pe árape aikuaape principios japaga hağua pe diezmo ha tovasapy oguerúva.
Ñandejára oñe’ẽ pe modelo-re Nuevo Testamento-pe, he’ívo: “Añete, añete ha’e peẽme: Ndaikatúi Ta’ýra ojapo mba’eve ijehegui, sino umi mba’e ohecháva Itúvape ojapo; opa Túva ojapóvare, upéva avei ojapo Ta’ýra upeichaite.”
Ndohupytýi ñañe’ẽnterõmitãnguérape templope ñemenda importancia-re, ayuno térãdía de reposo ñesantifikáre. Ha’ekuéra ohecháva’erã jajapoha peteĩ pa’ῦ ñane calendario-pe jaha hağua templo-pe py’ỹi ikatuháicha. Tekotevẽ ohecha ñane compromiso ayuno regularndive ha jasantifikapávo día de reposo. Umi imitãva ndaikatúirõ o’ayuna mokõi tembi’u, o’estudia meme umi Escritura-kuéra, ni ombogue pe téle partido importante aja oñeha’ãvo domingo-kue, ¿orekóta piko autodisciplina espiritual ipu’aka hağua umi tentaciones hasyvévare mundo ko’ağaguápe, pornografía tentación reheve?
Mbohapyha: Jepokuaakuéra
Ambue mba’éichapa ikatu iñambue térã okañy peteĩ ñe’ẽ ha’e ambue ñe’ẽnguéra térã jepokuaa ojehe’a ramo hesekuéra.
Iglesia restaurada ñepyrῦme, Ñandejára o’invita heta tupaogua miembro prominentekuérape omohenda porãvo hogapy; Ha’e oñepyrῦ peteĩ teĩ invitación ohechaukávo mokõi jey ikatuha okañy pe tesape ha añetegua rupi ñande rogakuéragui: “Ha pe aña ou ha oipe’a tesape ha añetegua, kuimba’ekuéra ra’ýgui, upéva desobediencia rupi, ha ituvakuéra jepokuaágui.”
Umi familia-kuéra oikotevẽ omombia oimeháichagua jepokuaa o’impedíva día de reposo ñesantifika térã Escritura-kuéra estudio diario ha ñembo’e ógape. Ñaikotevẽ ñamboty okẽ digital ñande rogagua pornografía-gui ha opa influencia vaígui. Ñañorairõ hağua mundo ko’ağagua jepokuaándi ñaikotevẽ jajevale umi Escritura ha profeta moderno ñe’ẽnguérare ñambo’e hağua ñande ra’ykuéra identidad divina, ipropósito ko tekovépe ha Jesucristo misión divina.
Ñembopaha
Escriturakuérape jajuhu heta tembiecharã umi “ñe’ẽ ñemokañýgui.” Tembiecharã ramo:
“Ha ojehu oĩgui heta generación pyahu ikatu’ỹvape hesakã ñe’ẽrey Benjamín he’íva’ekue, michĩetégui hikuái ha’e oñe’ẽ jave ipueblope; ha ndogueroviáigui ituvakuéra jepokuaa. …
“Upéicha, ndojeroviai haguére nahesakãi chupekuéra Tupã ñe’ẽ;ha omohatã hikuái ikorasõkuéra.”
Evangelio-gui oiko peteĩ ñe’ẽ extraño umi imitãvévape ğuarã; ha sapy’ánte oje’érõ jepe oiporãha oñemantene peteĩ sy ñe’ẽ, pe Plan de Salvación jerére ndaipóridebate umi consecuencias eternas oguerútava ñamokañyrõ Evangelio ñe’ẽ ñande rogapýgui.
Tupã ra’ykuéraicha, ñande ha’e personakuéra imperfecta oñeha’ãva oikuaa peteĩ ñe’ẽ perfecto. Peteĩ sy oipuriahuverekoháicha imemby michĩvévape, ñande Ru Yvagagua ipasiente ñande imperfeccion ha jejavýre. Ha’e omomba’e ha o’entende ñane ñe’ẽ mbegue kangy, ja’e añetéva, ha’eramoguáicha ñe’ẽpoty porã; ovy’a ñane ñe’ẽpúre umi Evangelio ñe’ẽ ñepyrῦre; ñanembo’e mborayhu porãme.
Ndaipóri jahupytýva ñande rekovépe, iñimportantevérõ jepe, orekótava relevancia okañývo pe Evangelio ñe’ẽ ñande rogapýgui. Ha’e che testimonio ñande Ru Yvagagua ñanderovasataha ñañeha’ãvo ña’añuã Iñe’ẽ, ikatu peve jasyryry peteĩ comunicación nivel superior peve ha’eva’ekuépe ñande sy ñe’ẽ akoiete. Jesucristo rérape. Amén.