Jevy ha ñemoğuahẽ

Che hermano ha hermana-kuéra, ko’áğa che asignación añe’ẽ peẽme ha pene asignación pehendu. Che méta niko amohu’ã che rembiapo peẽ pembopaha mboyve penemba’éva. Añeha’ãmbaitéta

Áño ohasakuévo, ahechakuaa umi ohupytyvéva ko mundo-pe ha’eha umi orekóva peteĩ panorama hekove rehegua, metakuéra ocentráva chupekuéra upe panorama rehe, ha umi plan práctico oikuaa hağua mba’éichapa ohypytýta imetakuéra. Pe máva oikuaávo moõpa oho ha mba’éichapa oğuahẽva’erã ome’ẽ significado, propósito ha logro hekovépe.

Oĩ niko umi hasývape odiferencia hağua peteĩ méta ha peteĩ plan-gui, oikuaa peve pe méta ha’eha peteĩ destino térã peteĩ ñeğuahẽ,, ha katu peteĩ plan niko pe tape ñaguahẽha rupi destino-pe. Tembiecharã, ikatu jareko méta ramo ñamaneha peteĩ tenda jaikuaa’ỹvape ha, peikuaaháicha peẽ, hermana-kuéra pejehayhuetéva, ore kuimba’e py’ỹi ropensa roikuaaha mba’éichapa roğuahẽta upépe, ha sapy’ánte ro’e: “Aikuaa; oĩne jajerévo esquina aúvape”. Che rembireko oiméne opukavy hína. Pe méta hesakãkuri, ha katu ndojejapói peteĩ plan porã oñeğuahẽ hağua destino-pe.

Méta ñemoĩ niko, ha’ete, “ñañepyrǔ jarekópe ñane akãme upe ñeğuahẽ”. Ha pe planificación katu ha’e ñapensa mba’éichapa ñağuahẽta. Peteĩ kláve vy’apaverã niko oĩ ñaikǔmbýrõ mba’e destino-pa ha’e umi o’importa añetéva, ha upéi jahasa ára, ñeha’ã ha jesareko umi mba’e ohechaukávare mba’éichapa ñağuahẽ porãta upépe.

Tupã, ñande Ru Yvagagua, ome’ẽ ñandéve pe ejemplo perfecto jajapo hağua méta ha ñaplanifika. Imeta ha’e “Ohupyty kuimba’e [ha kuña], inmortalidad ha tekove ijapyra’ỹva” ha Ojapótava ojehupyty hağua upéva ha’e pe Plan Salvación.

Ñande Ru Yvagagua jahayhuetéva plan-pe oike ome’ẽ ñandéve peteĩ existencia física jekakuaa, progreso ha aprendizaje ğuarã, ikatuha rupi tañağuahẽ ha’eve hağua Ha’éicha. Ñande espíritu eterno ojejaho’i cuerpo físico-pe, jeikove Ita’ýra ombo’e ha omandaháicha, Ñandejára Jesucristo, ha familia eterna apo, opermiti ñandéve, Salvador expiación rupi, jahupyty Tupã méta inmortalidad ha tekove ijapyra’ỹva Ita’yrakuérape ğuarã Hendive Irreino celestial-pe.

Méta apo prudencia-re ryepýepe oĩ tahesakã umi méta hi’ağuiva oĩporãtaha oporoguerahávo umi méta mombyryvévape ha hesakã porãitévape. Aimo’ã pe kláve importante vy’apavẽrã ha’e ñama’ẽporã méta ñanemba’éva ha ñamboguapy umi plan ñanemba’éva ñande Ru Yvagagua plan ijapyra’ ỹva marco ryepýpe. Japyta ramo pe tape apyra’ỹme, ndaikatumo’ãi jahupyty’ỹ umi requisito jajevyjey hağua Hendápe.

Iporã niko jareko umi méta ha plan ñande carrera-kuérape ğuarã, ñande educación-pe ğuarã, avei ñande golf ñeha’ãme ğuarã. Avei iñimportante jareko méta ñane ñemendarã, ñane familia, ha ñane consejo ha llamamiento-kuérape ğuarã Tupaópe; upéva katu iporãvéntema misionero-kuérape ğuarã. Ha katu ñane méta tuichavéva ha iñimportantevéva oike porãva’erã pe ñande Ru Yvagagua plan ijapyra’ỹ vape. Jesús he’i: “Peheka raẽve katu Tupã reino ha ihustísia, ha opa ko’ã mba’e oñeme’ẽta peẽme.”

Umi experto ko téma jafihávo méta rehegua he’i hasy’ỹvérõ ha idirectovérõ upe méta, ipu’akavetaha. Ikatúvo jajapo peteĩ métagui peteĩ imagen hesakãporãva térã peteĩ térã mokõi ñe’ẽ mbarete ha he’isévape, upémarõ ikatu oike ñande ryepýpe ha oservi gía ramo opa umi ñapensáva ha jajapóvape ğuarã. Aimo’ã oĩha mokõi ñe’ẽ, ko contexto-pe, ohechaukáva umi méta Tupã orekóva ñanemba’erã ha umi méta iñimportantevéva ñandejupe ğuarã. Umi ñe’ẽ ha’e jevy ha ñemoğuahẽ.

Jevy Hovake ha ñemoğuahẽ umi tovasapy eterno oñemoğuahẽva jajapóvo ha ñañongatúvo umi konvenio ha’e umi méta iñimportanteve ikatúva jajapo.

Ñande Jajevy ha ñamoğuahẽ jarekóvo “fe inquebrantable [Ñandejára Jesucristo-re], jajeroviapaitévo” Iméritore, jasegívo “tenonde gotyo firmeza Cristo-re, jarekóvo peteĩ fulgor perfecto de esperanza ha mborayhu Tupã ha opa kuimba’ére [ha kuñáre]… , pejedeleitávo Cristo ñe’ẽre, ha [peperseverávo] ipahaite peve.”

Lucifer ndo’aseptái pe ñande Túva plan opermitítava ñandéve jajevy Hendápe ha ñamoğuahẽ Hovasapy. Añetehápe, ojerrevela ha oñeha’ã omoambuepaite upe ñande Ru plan, ojapyhysévo imba’erã pe gloria, honor ha Tupã pu’aka. Upévare, ha’e ha umi hapykuerigua oñemosẽ Tupã renondégui ha “oiko chugui Satana, heẽ, pe aña, opa japu ru, ombotavy ha ombohecha’ỹ hağua kuimba’ekuérape [ha kuñáre] ha orahávo ñeñapytĩmby ha’e oipotaháicha, heẽ, opa umi ndohenduséivape [upe] ñe’ẽpu [Ñandejáragui].”

Umi decisión premortal ojapova’ekuére, Satana ndaikatúi ojevy ni omoğuahẽ. Pe opytánteva chupe ha’e ombohovái Túva plan umi seduccione ha tentacione ikatúva rupi ja’a ha ojapo tañanemiserable ha’éicha. Iplan ohupyty hağua iméta aña oho opa persona-ndi, generación, cultura ha sociedad-ndi. Satana ojevale umi ñe’ẽpu hatãvare, ñe’ẽpu oñeha’ãva ombogue pe Espíritu Santo ñe’ẽpu mbegue ha ipy’aguapýva ikatúva ohechauka ñandéve “opa mba’e” jajapova’erã ikatu hağua jajevy ha ñamoğuahẽ.

Umi ñe’ẽpu niko ha’e odespresiáva Evangelio añete ha oipurúva internet, umi red social ha prensa rehegua, radio, televisión ha película-kuéra ohechauka ha omoporãvo pe inmoralidad, violencia, ñe’ẽ ky’a, mba’eky’a ha tie’ỹ ikatu hağua ñandedistrae ñane métagui ha umi plan jarekóva eternidad-rãgui.

Umi ñe’ẽpu apytépe avei oike umi persona iñintencion porãva ohecha’ỹva umi kuimba’e ha kuñanguéra filosofías seculares rupi ombyaiséva upe fe ha odesviaséva pe méta eterna orekóva umi oñeha’ãnteva hína ojevyTupã oĩháme ha omoğuahẽ “opa umi [ñande] Túva orekóva.”

Ahechakuaa apyta hağua centrado jevyha ñemoğuahẽme umi tovasapy oñeprometévape, tekotevẽ añeporandu py’ỹi: “¿Mba’éichapa oĩ che progreso?”.

Ha’etévaicha jajapórõ peteĩ entrevista personal ha privada ñandejupe. Ha upéva oñehendu vaíramo, pepensami kóvare: ¿máva ko mundo-pe pendekuaa porãve pendehegui? Peẽ peikuaa pene pensamiento, umi pejapo ñemíva, peipotáva ha pende kerayvoty, méta ha plan. Ha peikuaa porãve avavégui mba’éichapa oho hína pende progreso tape pukukue jevy ha ñeğuahẽme.

Ajeguerahauka hağua peteĩ ñehesa’ỹijo privado ha personal rehe, alee ha ajepy’amongetase umi ñe’ẽ py’amongetarã oĩva quinto capítulo Alma-pe, Alma oporanduhápe: ¿Oñeme’ẽ piko peẽme ha’anga pende rovápe?¿Peñandu piko ko tuicha ñemoambue pene korasõme?”. Umi Alma porandukuéra ñanemomandu’a mba’épa oĩva’erã ñane méta ha plan ryepýpe jevy ha ñemoğuahẽrã.

Penemandu’a Ñandejára invitación: “Peju cherendápe opa penekane’õva ha pejekargáva, ha che pombopytu’úta.

“Peraha che yugo pende ári ha pe’aprende chehegui, chemanso ha humilde che korasõme, ha pejuhúta pytu’u pene ángape ğuarã.”

Ñamongakuaávo ñande fe Ñandejára Jesucristo pu’akápe ome’ẽ hağua pytu’u ñane ángape operdonávo pekadokuéra, oñerredimi relacion vai, omonguera umi herida espiritual ombopytupáva progreso, ha ñanemombarete ha opermiti ñañotỹ umi Cristo atributo-kuéra, ñamomba’e pypukuvéta Ñandejára Jesucristo expiasiõ tuichakue.

Semana oúva aja, pejuhu ára pehesa’ỹijo hağua umi méta ha plan pende rekovépe ha peje’asegura toĩ compatible pe tuicha ñande Ru Yvagagua plan ñande vy’apavẽrã. Tekotevẽrõ peñearrepenti ha peneambue,… upéicharõ pehecha pejapo hağua ko’ağaite. Pejapyhy ára pepensa hağua, ñembo’e espíritu reheve, mba’e ajuste-pa oñeikotevẽ peneipytyvõtava peñemantene hağua “pe ñemaña toñemoĩ Tupã gloria-pente.”

Ñamanteneva’erã pe Jesucristo evangelio doctrina umi ñane méta ha plan mbytépe. Hese’ỹ, ndaikatumo’ãi jahupyty mba’eveichagua méta ijapyra’ ỹva, ha umi ñane plan jahupyty hağua ñane méta ijapyra’ỹva oñehundíta.

Peteĩ pytyvõve ha’e “El Cristo Viviente: Umi Apóstoles Testimonio-kuéra”, ojehechaukáva Tupaópe 1 enero 2000-pe. Pemoĩ peteĩ kópia ikatutahápe pehecha peñeme’ẽ ára perrepasa peteĩ teĩ declaracione oĩva upe testimonio inspirado Cristo-gui oúva umi Itestigo especial-gui omboguapyva’ekue héra.

Po’exhorta pe’estudiávo pe “La Familia: Una Proclamación para el Mundo” ndive. Py’ỹi ñañe’ẽ pe proclamación sobre la familia-re, ha katu penemandu’amína pelee perekóvo Ñandejára Cristo Oikovéva pu’aka.Cristo Oikoveva’ỹre, umi ñande expectativa hepyvéva ndojehupytymo’ãi. He’iháicha pe proclamación sobre la familia “Pe divino plan de felicidad opermiti umi relacion familiar oikove sepulcro rire. Umi ordenanza ha konvenio sagrado oĩva santos templo-kuérape ojapo umi persona ojevy Tupã rendápe ha umi familias tojoaju araka’eve ğuarã.”

Kóva ikatúnte oiko Cristo Oikovéva ha’e haguére ko mundo Salvador ha Redentor expiatorio.

Upévape, ikatu pehesa’ỹijo umi Escritura pemongakuaa hağua pene comprensión umi verdad específica oĩvagui “El Cristo Viviente-pe”.

Pe jelee ñembo’e reheve “El Cristo Viviente” ha’e ojeleeháicha Mateo testimonio-kuéra, Marcos, Lucas, Juan ha umi Libro de Mormón profeta-kuéra. Omongakuaavéta pende fe Ñandejárare ha penepytyvõta pepyta hağua mbytépe Hese pesegívo pene plan-kuéra pehupyty hağua pene méta ijapyra’ỹva.

Jajavy ramo jepe, defecto, desvío ha pekadokuéra, pe Jesucristo expiasiõ opermiti ñañearrepenti, ñañembosako’i jevy ha ñemoğuahẽ umi tovasapy ijojaha’ỹvaTupã opromete’akue: jaikove araka’eve ğuarã Túva ha Ta’ýra ndive yvatevéva reino celestial-pe.

Peẽ peikuaaháicha, avave ndojeimo’ãi ñemanógui; upévare, ñane méta ha plan plazo mombyry ha’eva’erãpe jajevy ramo ñande Ru Yvagaguápe, ñamoğuahẽta “opa Ha’e orekóva” oñeplaneava’ekue ñandéve ğuarã.

Atestifika ndaiporiha méta isublimevéva ko tekovépe pe jaikove apyra’ỹme ñande Rukuéra Yvagaguándi ha ñane Salvador jahayhuetéva, Ñandejára Jesucristo-ndi. Ha katu ndaha’éinte ñane méta—ha’e avei méta Imba’ekuéra. Ha’ekuéra oguereko mborayhu iporãmbajepéva ñanderehe, imbareteháicha ikatu’ỹva ñañepyrῦ ñañeimagina. Ha’ekuéra oĩmbaite, completa ha eternamente ñanendive. Ñande ha’e Hembiapokuéra. Ñande gloria ha’e gloria Imba’ekuéra. Opa mba’e ári, oipota hikuái jahajey ógape —ikatu hağua jajevy ha ñamoğuahẽ pe vy’apavẽ ijapyra’ỹva Hovakekuéra.

Che hermano ha hermana-kuéra pejehayhuetéva, peteĩ semana-pe ñaromandu’áta Domingo de Ramos, omomandu’áva pe Cristo entrada triunfal Jerusalén-pe. Mokõi semana-pe, ñaromandu’áta Domingo de Pascua, ñanemomandu’áva Ñandejára triunfo ñemano ári.

Ñacentrávo ñande jesareko Ñandejárare umi mokõi domingo especial aja, ñaromandu’a ha ñambopyahu ñane compromiso ñande rekovépe ñañongatúvo Imandamientokuéra. Jajapo peteĩ examen de conciencia pypuku, ñamboguapývo umi méta ñanemba’éva ha ña’enfoka ñane plan ikatu hağuáicha oĩ compatible Tupã mba’évandi, ikatu hağuáicha ipahápe ñandegueraha ñande privilegio hepyetévape jevy ha ñemoğuahẽ, ha’e che jerure humilde, Jesucristo rérape. Amén.