Eneo la Njia Yake
Njia ya Mwokozi inaweza daima isiwe rahisi, lakini Yeye atatembea pamoja nasi na kutuongoza pale tunapotaka kwenda.
Vielelezo na Yukai Du
Kwa kawaida tunachagua njia kwa sababu inatuongoza pale tunapotaka kwenda. Lakini kuna zaidi kwenye njia kuliko mwisho wa safari. Pia kuna eneo—aina ya ardhi ambayo tutapitia.
Yesu Kristo anatualika kutembea pamoja Naye (ona Musa 6:34; Mika 6:8; 1 Yohana 2:6; Mafundisho na Maagano 19:23). Njia Anayotualika kutembea ni njia ya agano—njia ya amani, furaha, na uzima wa milele pamoja na Baba yetu wa Mbinguni—ambapo tunataka kuwa.
Lakini njia hii ikoje? Ni aina gani ya ardhi tutakayopitia tunapotembea na Mwokozi?
Nyembamba
“Mlango umesonga, na njia ni nyembamba, iendayo uzimani” (Mathayo 7:14).
Wakati njia Yake inapoonekana kuzuiwa, kuna sababu. Wembamba wa njia hukuzuia kupiga hatua mahali ambapo unaweza kuumia au kupotea.
Imenyooka
“Njia zake zimenyoka” (Alma 37:12).
Yake siyo njia ya upepo. Ni njia ya moja kwa moja kuelekea lengo letu la uzima wa milele. Haichepuki. Lakini wakati mwingine sisi tunafanya hivyo. Kwa sababu ya Upatanisho wa Mwokozi, tunaweza kutubu haraka na kurudi kwenye njia Yake.
Mwinuko na Wakati mwingine Miamba
“Njia [nyumbani kwa Mungu] ni mwinuko na wakati mwingine ni miamba” (Rais Henry B. Eyring wa Urais wa Kwanza, “Wasaidie Katika Njia Zao Nyumbani,” mkutano mkuu wa Apr. 2010 [Ensign au Liahona, Mei 2010, 25]).
Kutembea kupanda kilima kunaweza kuwa kwa shida kidogo, na huenda usiweze kuona juu ya kilima unachopanda. Lakini Mwokozi anakuimarisha na kukutia moyo unapojitahidi kufanya mambo magumu Anayokualika kufanya.
Mawe kwenye njia yako yanaweza kuwa tofauti na yale ya wengine. Changamoto na hali ni vyako wewe mwenyewe. Lakini Mwokozi ni mwenza bora wa kusafiri naye na atakusaidia kukabiliana na kila kikwazo.
Inawaka Vema
“Neno lako ni taa kwa miguu yangu, na mwanga wa njia yangu” (Zaburi 119:105). “Enendeni katika nuru, kama yeye alivyo nuruni” (1 John 1:7).
Wakati njia yako ikiwa imetiwa giza, Mwokozi anaweza kuangaza njia yako, hata kama inatosha tu kwa hatua moja na kisha nyingine katika safari yako ya nyumbani kwa Baba yako wa Mbinguni.
Salama
“Naam, nijapopita kati ya bonde la uvuli wa mauti, sitaogopa mabaya: kwa maana wewe upo pamoja nami” (Zaburi 23:4).
Bila kujali njia yako inavyoogopesha, ya kuhuzunisha, au ngumu inavyoweza kuonekana, unaweza kuwa na amani ukijua kwamba unapotembea pamoja na Yesu Kristo, Yeye atatembea nawe na kukuongoza kwenye usalama, kurudi kwa Baba wa Mbinguni.