“Ninawezaje kushiriki na wengine vizuri zaidi ‘tunda’ la injili, ili waweze kuona jinsi ilivyo muhimu kwangu?”

“Ishi injili katika njia ambayo hakuna shaka kwamba wewe uko tofauti. Ikiwa watu wengine wanaona kwamba unajaribu kuishi kulingana na imani yako, watakuwa wadadisi. Huo utakuwa wakati muafaka wa kutoa ushuhuda wako, upendo wako kwa Kristo, na jinsi injili hukufanya uwe na furaha.”

Miguel A., 17, Asturias, Uhispania

“Mojawapo ya matunda ya injili ni shangwe. Shiriki shangwe unayoipata katika Kristo kwa kutabasamu tu na kuwahudumia wengine kama ambavyo Yesu angefanya. Watu wanapokuuliza wikiendi yako imeendaje, elezea tukio lako la kanisani ili kuwasaidia kuona jinsi gani Yesu Kristo alivyo muhimu kwako.”

Eliza S., 16, Wicklow, Ireland

“Ninaweza kuwaalika watu kanisani ili waweze kuona mazuri wao wenyewe!”

Cal L., 11, Texas, Marekani

“Ninapokea baraka nyingi kupitia Upatanisho wa Mwokozi, ambazo zinajaza maisha yangu kwa shangwe. Uwepo wa Baba wa Mbinguni hunifariji na kunipa kujiamini kushiriki shangwe hiyo. Kushiriki na wengine zawadi na baraka zangu hakika kutaonyesha jinsi injili ilivyo muhimu kwangu.”

Mariata M., 16, Tuamasaga, Samoa

“Kuishi injili nyumbani na hadharani ni hatua ya kwanza ya kushiriki kwa ufanisi! Watu wanaweza wasitake kusikia kile unachosema, lakini wataona kile unachofanya, na huo ni ushuhuda wenye nguvu.”

Esteicy M., 19, Paraíba, Brazili

“Ninaweza kushiriki na wengine vyema zaidi ‘tunda’ la injili kwa kuwa mfano mwema kwao na kuwaalika kwenye shughuli.”

McLayne B., 15, California, Marekani