“Wala ko mobati nga ang mga kasulatan mitubag sa akong mga pag-ampo. Unsaon nako kini paggamit sa akong kaugalingon?”

“Samtang magbasa, angay kitang mangutana og sama niini sa atong kaugalingon: Nganong nagsulti man sila niini? Kanus-a ug unsaon nako paghimo niini? Unsaon nako paglambo aron mahisama usab niini?”

Ceci B., 19, São Paulo, Brazil

“Ang pagpahisama sa mga problema diha sa mga kasulatan ngadto sa mga problema nga atong gisinati sa ulahing mga adlaw makatabang nato sa paggamit sa mga kasulatan sa atong kinabuhi. Pinaagi sa pagkompara sa mga sitwasyon nga nasinati sa mga propeta ngadto sa inyong kaugalingong kinabuhi, maamgohan ninyo nga managlahi ang mga sitwasyon apan parehas ra ang mga pagtulun-an.”

Jack L., 18, Missouri, USA

“Paminaw sa Espiritu, ug ipabiling abli ang inyong hunahuna ug kasingkasing para sa mga impresyon. Usahay ang gusto sa Espiritu Santo nga inyong makat-onan dili gyod mismo ang inyong gibasa.”

Lincoln R., 17, Washington, USA

“Ibutang nako ang akong ngalan sa matag kasulatan, sama nga ang Ginoo ug ang mga propeta direkta nga nakigsulti nako. Dayon mag-ampo ko nga sinsero. Epektibo kini!”

Dieuveille O., 15, Pointe-Noire, Republic of the Congo

“Ang mga mensahe sa Basahon ni Mormon dili lamang para sa mga tawo niana nga panahon—importante usab kini para kanato karon. Bisan kanus-a nga gusto kong mogamit og butang nga akong nakat-onan gikan sa mga kasulatan, mag-ampo ko nga makatutok ug maningkamot niini sa tibuok adlaw.”

Ari I., 14, Utah, USA

“Usahay nagkinahanglan kita og bag-ong mga panglantaw aron makakaplag og mga tubag. Maglisod ko sa pagkonsiderar sa mga kasulatan isip tubag sa akong mga pag-ampo, apan nakita nako nga daghang mga tubag sa akong mga pangutana diha sa kinatibuk-ang komperensiya kanunay nga gikutlo gikan sa kasulatan, ug nakatabang ni nako sa pagkaplag og daghang mga tubag diha.”

Xaeli S., 16, Maryland, USA