Gahom sa Pag-ampo

Paghulagway pinaagi ni Katelyn Budge

Ganahan ko nga mag-ampo. Mag-ampo ko para sa akong mama aron matabangan siya nga makit-an ang mga butang nga iyang nawala. Mag-ampo ko para sa akong igsoong babaye kon duna siyay umaabot nga test. Mag-ampo gani ko sa eskwelahan ug panahon sa recess, kay ang pag-ampo makatabang nako sa paghimo og mas maayo nga mga pagpili.

Medyo gahi ang akong ulo, ug nag-ampo sab ko nga kana akong mabuntog. Usahay makiglalis ko sa akong mga magulang nga mga babaye, ug nagkinahanglan ko sa tabang sa Langitnong Amahan aron makapangayo og pasaylo ug makapasaylo niya. Kausa, wala ko ganahi nga mohimo sa math sa eskwelahan. Nangayo ko og tabang sa Langitnong Amahan, ug nabuntog nako ang akong pagkagahi og ulo ug gibuhat ang mga sulbaronon sa math.

Naningkamot gyod ko og maayo nga magmasulundon ug mobuhat sa gihangyo sa Langitnong Amahan nga akong buhaton, bisan kon lisod kini. Nasayod ko nga motabang Siya kon mag-ampo ko.