Pagkaplag og Kalipay sa Pagserbisyo

Mga paghulagway pinaagi ni Katelyn Budge

Usa ka Disyembre, misugyot ko sa akong pamilya nga magpahigayon mi og kalihokan nga usa ka buhat sa kamanggiloy-on alang sa Pasko. Nahibalo ko nga kon wala kay panimalay, dili sayon ang pagpangita og kwarta o pagkaon, ug naguol ko nga ang ubang mga tawo dili makasinati og Pasko.

Ang akong pamilya nagtigom og mga pagkaon ug mga dulaan ug gipanghatag kini ngadto sa mga tawo nga nanginahanglan. Naghinam-hinam ko kay wala pa ko makabuhat og sama niina kaniadto. Mapasalamaton kaayo ang mga tawo, ug mibati ko og katagbawan nga nakahatag og epekto ngadto nila sa positibo nga paagi ug mipabati nila nga nakita sila. Naghatag kini kanako og pagbati nga mas nasuod sa Manluluwas kay manggihatagon Siya ug mabination nga tawo. Ang pagsunod sa Iyang mga hiyas nakapalig-on sa akong relasyon ngadto Niya.

Naghunahuna ko nga ang pagpangalagad mao ang pagkahibalo mahitungod sa kahimtang sa mga tawo sa atong palibot. Mahitungod kini sa pagsuta ko unsay imong mahimo, bisan kon gamay lang, aron makahimo og kalainan sa kinabuhi sa usa ka tawo.