Maalamon nga mga Tawo—ug Kabatan-onan—Nangita Kaniya

Ang mga kasulatan nag-asoy sa istorya bahin sa maalamon nga mga tawo nga matinguhaong nangita sa mga timailhan sa pagkatawo sa Mesiyas (tan-awa sa Mateo 2:1–2). Sa dihang namatikdan nila ang timailhan, sila makugihon nga misunod sa kahayag niini nga unta “makaplagan” nila Siya. Sa unsang paagi nga nahibaloan nila ang timailhan?

Ang maalamon nga mga lalaki tingali migahin og panahon sa pagkat-on mahitungod sa mga panagna aron ilang mamatikdan ang mga timailhan kon kini moabot. Tingali gipangita nila kini nga mga timailhan sukad sa batan-on pa sila.

Karon nga panahon, samtang naminaw kita sa kusog, makapadani nga mga imbitasyon nga makapalayo nato sa tinuod nga pagsaulog sa Iyang pagkatawo, hinaot nga ang matag usa nato matinguhaon nga mangita Kaniya. Hinaot nga kita magtuon sa mga kasulatan ug mahibalo sa Iyang mga timailhan. Hinaot nga atong mamatikdan ang Iyang mga buhat, Iyang Pag-ula, Iyang mga pulong, Iyang kalinaw, ug Iyang gugma. Ako modapit ninyo nga matinguhaong mangita Kaniya samtang magbasa kamo sa mga artikulo niini nga isyu ug, sama sa maalamon nga mga tawo sa karaang panahon, mangita Kaniya.