Bag-ong Pagtan-aw sa Istorya sa Pasko
Wala lamang kita magsaulog sa pagkatawo ni Jesukristo—nagsaulog kita sa nabanhaw, buhi nga Kristo.
Kada Pasko maminaw kita ug mopakigbahin sa istorya sa pagkatawo ni Jesukristo. Mahinungdanon kining butang nga buhaton! Apan walay kinutoban ang kamahinungdanon sa pagkatawo ni Jesukristo tungod sa katuyoan sa iyang pagkatawo.
Si Presidente Gordon B. Hinckley (1910–2008) mitudlo, “Walay Pasko kon wala ang Pasko sa Pagkabanhaw. Ang batang masuso nga si Jesus sa Betlehem mahisama ra unta sa laing batang masuso kon wala pa ang matubsanon nga Kristo sa Getsemani ug sa Kalbaryo, ug ang madaogon nga kamatuoran sa Pagkabanhaw.”
Busa, aniay simpling kalihokan nga mabuhat ninyo uban sa inyong pamilya, mga higala, korum, o klase niining kapanahonan sa Pasko.
Unsay Paagi Niini
Duha ka tigbasa magpuli-puli sa pagbasa sa mosunod nga mga kasulatan. Ang usa mobasa sa mga kasulatan mahitungod sa pagkatawo sa Manluluwas diha sa wala nga kolum, ug ang laing usa mobasa sa mga kasulatan mahitungod sa Iyang Pag-ula ug Pagkabanhaw diha sa tuo. Pagtubag-tubag mo hangtod moabot mo sa kataposan.
|
Ang Pagkatawo sa Manluluwas |
Ang Pag-ula ug Pagkabanhaw sa Manluluwas |
|---|---|
|
Lucas 2:4 |
Marcos 14:32 |
|
Lucas 2:5 |
Marcos 14:33 |
|
Lucas 2:6 |
Marcos 14:35 |
|
Lucas 2:7 |
Marcos 14:36 |
|
Lucas 2:8 |
Lucas 22:44 |
|
Lucas 2:9 |
Marcos 15:1 |
|
Lucas 2:10 |
Marcos 15:12–13 |
|
Lucas 2:11 |
Marcos 15:17–18 |
|
Lucas 2:12 |
Marcos 15:19–20 |
|
Lucas 2:13–14 |
Lucas 23:33–34 |
|
Lucas 2:16–17 |
Juan 20:1 |
|
Mateo 2:1–2 |
Juan 20:15–16 |
|
Mateo 2:11 |
Juan 20:17 |
Mga Butang nga Angay Hunahunaon
Samtang magbasa kamo mahitungod sa pagkatawo ni Jesukristo, sa Pag-ula, ug sa Pagkabanhaw, aduna bay laing mga kasulatan nga misulod sa inyong hunahuna? Makahunahuna ba kamo og pipila gikan sa Basahon ni Mormon o sa Doktrina ug mga Pakigsaad? Ikonsiderar ang pagdugang niana dinhi niini nga lista ug sa pagpakigbahin niini.
Paggahin og panahon sa pagpamalandong kon unsa ang kahulogan sa pagkatawo, kinabuhi, mga pagtulun-an, ug Pagkabanhaw ni Jesukristo para kanimo. Samtang buhaton ninyo kini, ang Espiritu Santo makapamatuod nga si Jesukristo natawo alang kaninyo ug nabuhi Siya “Siya namatay ug nag-antos” alang kanimo kay ang Langitnong Amahan mipadala Kaniya. Nahigugma Sila kaninyo. Ug buhi Siya karon aron modala og kalinaw, paglaom, ug kalipay diha kaninyo.