Sesyon sa Sabado ng Umaga

Pambungad

Mga Sipi

Ni Pangulong Dallin H. Oaks

Pangulo ng Korum ng Labindalawang Apostol

alt text — Conference Center, USA

I-download ang PDF

Mahal kong mga kapatid, nagtitipon tayo habang nagdadalamhati sa pagkamatay ng ating pinakamamahal na si Pangulong Russell M. Nelson. Nagsasalita ako sa inyo bilang Pangulo ng Korum ng Labindalawa, na posisyon kung saan ako sinang-ayunan na sa bawat ward, stake, at pangkalahatang kumperensiya natin—sa nakalipas na pito at kalahating taon.

Nagpapatuloy tayo sa ikalawang taunang pangkalahatang kumperensiya na ito, gaya ng nakaplano, na may mga tagapagsalita at musika na itinalaga ni Pangulong Nelson pagkatapos ng ilang buwan ng paghahanda. …

… Nauunawaan ni Pangulong Nelson ang kahalagahan ng pangkalahatang kumperensiya sa pagbibigay ng direksiyon sa mga Banal sa darating na mga buwan. Iginagalang namin siya sa pamamagitan ng pagsunod sa naiplanong iskedyul ng kumperensiya na inaprubahan niya. …

Ang maikli kong papugay—na akma sa kumperensiyang ito at sa mga papugay na ginawa na namin—ay ito: minahal ko si Russell M. Nelson at mas marami akong natutuhan tungkol sa ebanghelyo at pamumuno ayon sa ebanghelyo dahil sa matagal ko nang kaibigan at kasalamuha siya kaysa sa sinumang lider na personal kong kakilala. Siya ang ating modelo bilang lingkod at alagad ng Panginoong Jesucristo.

“Ano ang Isang Bagay na Itinuro ni Pangulong Nelson na Nagpabago sa Inyong Buhay?”

“Tinuruan niya akong magpatawad kahit talagang mahirap ito. Nahirapan akong patawarin ang ilan sa mga kamag-anak ko sa mga bagay na sinabi nila. Pero matapos kong pakinggan ang isa sa mga mensahe ni Pangulong Nelson, napatawad ko sila. Talagang binuksan nito ang aking mga mata.”

Whitney L., 17, Texas, USA

“Kung minsan pakiramdam ko ay maaaring malimutan ng Panginoon kung sino ako, pero itinuro sa akin ni Pangulong Nelson na nakikita at pinangangalagaan tayong lahat ng Panginoon. Lahat tayo’y may layunin.”

Nyah B., 15, Germany

“Para magdagdag ng kabutihan sa aking isipan, magpakita ng pag-ibig sa kapwa-tao sa lahat, unahin ang aking pagkadisipulo, at isipin ang kahariang selestiyal.”

Jacob Z., 17, Morelos, Mexico

“Nalaman ko kung gaano kahalaga ang mga templo. Tuwing gagawa ako ng desisyon, sinisikap kong isaisip ang templo. Ginagawa ko ang lahat para manatili akong karapat-dapat, dahil gusto kong maging karapat-dapat.”

Elina S., 18, Thuringia, Germany

“Itinuro sa akin ni Pangulong Nelson na bilang disipulo ni Cristo kailangan kong laging sikaping maging tagapamayapa, maging mas mapagpasensya sa iba, at huwag makipag-away para lamang maging tama. Ngayon, sinisikap kong huwag magalit.”

Laura J., 15, Brazil

“Nagpapasalamat ako na nagpokus si Pangulong Nelson sa mga templo. Nang unahin ko ang templo, nagkaroon ako ng hindi natitinag na patotoo, tumanggap ng paghahayag, at gusto kong magpunta nang mas madalas. Pinahahalagahan ko ang matinding nadarama ko na pagmamahal at pangangalaga sa akin ng Ama sa Langit sa loob ng templo.”

Jarom P., 18, Arizona, USA

“Isa sa mga pinakamadaling paraan para matukoy ang tunay na tagasunod ni Jesucristo ay kung [paano] mahabaging tinatrato ng taong iyon ang ibang tao. Mula nang ipagdasal ko ang sinabing ito ni Pangulong Nelson, nakapag-minister ako sa mga kaibigan ko para tulungan silang madama ang pagmamahal ng aking Tagapagligtas.”

Brayden H., 18, Colorado, USA

“Talagang nahihirapan ako noon at nadama ko na napakarami kong dapat tiisin. Ang pag-iisip ng selestiyal ay nakatulong sa akin na maalala na pansamantala lamang ang mga problema ko. Talagang nakatulong iyon sa akin na malampasan ang panahong iyon sa buhay ko.”

Sophie A., 15, Arizona, USA

“Hindi maganda ang relasyon ko noon sa kapatid ko. Matapos ibigay ni Pangulong Nelson ang kanyang mensahe na ‘Kailangan ng mga Tagapamayapa,’ naalis ko ang galit ko. Mas maganda na ngayon ang aming relasyon.”

Roman D., 18, Oregon, USA