Pe tatau ea ou faia mea e oo mai ia te a’u i se tulaga masani ai? Pe o le mea lena e finagalo le Atua ou te faia?

O nisi o upumoni faavae e fesoasoani e tali ai lenei fesili.

O le Atua o le Tamā o lou agaga. Na te lei “foafoaina” oe mai se mea noa. Sa fanauina oe ma se natura paia—o le gafatia e avea ai e faapei o Ia. Sa e i ai “foi i le amataga faatasi ma le Atua. O le atamai, po o le malamalama o le upumoni, sa le’i foafoaina pe na gaosia, pe mafai moni lava ona foafoaina pe gaosia” (Mataupu Faavae ma Feagaiga 93:29 A o lei oo i lenei olaga, sa i ai foi lou faitalia, ma sa e faia ni filifiliga.

O lou tino faaletino o se meaalofa mai le Atua ma o se vaega manaomia ina ia oo ai i le olaga faaletino ma avea atili ai e faapei o Ia. Ona o le Pa’ū, e oo ai tagata uma i vaivaiga, e aofia ai nisi o faanaunauga “masani” e feteenai ma poloaiga a le Atua (tagai i le Mosaea 3:19). Ae e tatau ona tatou saili e “pulea [o tatou] tuinanau uma” (Alema 38:12), faamaualalo i tatou lava, taumafai e usiusitai i le Atua, salamo pe a tatou le faia, ma saili le malosi ma le fesoasoani e ala mai ia Iesu Keriso ma Lana Togiola. Tatou te oo i vaivaiga i lenei olaga ina ia tatou lotomaualalo ma liliu atu i le Atua (tagai i le Eteru 12:27).

I le taimi o lenei olaga, o lou faaaogaina o le faitalia o le ki lea. Filifili le Atua ma Ona ala. Filifili e alu alu i luma. Filifili le olioli.