O Upumoni e 5 ma Motugaafa e 5 mo Tatalo e Sili Atu Ona Anoa
Sa ou iloaina e moni le Atua, ae o nisi taimi sa ou mafaufau ai pe na Ia faafofoga mai ia te au.
Ata na tusia e Jarom Vogel
A o ou tuputupu ae, sa aoaoina au e mafai ona ou talanoa i le Atua e ala i le tatalo, ae sa i ai taimi ou te le’i lagonaina ai sa ou lelei tele i le tatalo. Sa ou tauivi e talanoa ia te Ia ma faalogo atu ia te Ia. A o faasolo ina ou matua, sa ou mauaina upumoni e lima ma motugaafa e lima ua atili anoa ai a’u tatalo ma fesoasoani ia te a’u e lagona ai le latalata atili atu i le Atua.
O Upumoni
-
O le Atua o lou Tama Faalelagi e i ai sona tino o aano ma ivi (tagai i le Mataupu Faavae ma Feagaiga 130:22). O ia o se tagata moni o loo e talanoa i ai.
-
E tali mai le Atua i a tatou tatalo taitasi i se taimi ma se auala e sili ona lelei mo i tatou. “E faafofogaina e le Atua tatalo uma tatou te tuuina atu ma tali mai taitasi e tusa ma le ala ua Ia faataoto mai mo lo tatou atoatoa.”
-
E tele ituaiga tatalo, ma e lelei uma lava. O le tatalo e mafai ona aloaia, faasamasamanoa, e faatumulia i le agaga faafetai po o le aioi atu, puupuu pe umi—leotele pe filemu—ma isi mea.
-
E mafai ona e tatalo i soo se taimi ma i soo se mea.
-
O le tatalo e le faatatau i le mauaina o mea tatou te mananao ai mai le Atua ae o le iloaina (ma le taliaina) o mea e finagalo i ai o Ia mo i tatou.
Motugaafa
-
Ia tausia se api faamaumau o tatalo. Tusi i lalo ni au fesili ae e te lei tatalo, ma faamaumau ni uunaiga e te maua pe a uma (ma e oo lava i le taimi) o au tatalo.
-
E fesoasoani le tootuli a o “faasolo ina malosi lau tatalo faasamasamanoa.”
-
Ia tausia se lisi o tagata e mafai ona e tatalo mo i latou i aso taitasi.
-
Fai atu i isi e tatalo mo ma faatasi ma oe.