Aia O.

Ata na pueina e Ashlee Larsen

O nisi taimi ou te tauivi ai ma le faatasitasi ma isi tagata. Ae na fesoasoani lo’u tama ia te a’u e tatalo e uiga i lena mea. O le tatalo ua fesoasoani ia te a’u e fai atu ai, “O le a ou faia lenei mea,” nai lo le aloese mai tulaga patino e pei ona sa i ai muamua.

Sa fesoasoani foi le tatalo ia te a’u i isi taimi. Faatoa mavae atu ona ou sueina a’u suega faaletausaga, ma o taimi uma lava e i ai ni ou faafitauli i se fesili, ou te ole atu i le Atua mo se fesoasoani.

I le isi taimi, na ou sauni ai e tuuina atu se tautalaga i le sauniga faamanatuga. Sa ou mafaufau, “E le mafai ona ou faia nisi mea nai lo le na o le tu i luga ma faitau la’u lauga?” Sa ou filifili e ole atu i le Atua pe faapefea ona ou tuuina atu se lauga o le a fesoasoani i tagata. Sa ou popole ma sa le’i atoatoa lo’u faataunuuina, ae sa manaia le fesoasoani mai o le Atua ia te a’u e fuafua pe faapefea ona faia se lauga e lelei atu.

O le tatalo patino o se mea e mafai ona e saogalemu ai. E leai nisi tagata e mafai ona o mai ma faamasino pe fai mai, “E sese le faiga o lau tala.” Pe a ou tatalo, ua na o a’u ma le Atua.