Ina ua Faamasino Sese e Tagata o le Ekalesia A’u

Ata na tusia e Katelyn Budge

Sa i ai se taimi sa i ai se tulaga sa sese ai le faamasinoga a nisi o tagata o le matou uarota ia i maua ma la’u uo. Sa ma faatasitasi i le tele o taimi, auauna atu ma auai i gaoioiga, ma sa amata ona salalau tala le moni e faapea ua ma tafafao faamasani ma o loo ma faia se mea sese.

Na faapea mai foi tala e faapea, sa le mafaufau lo’u aiga i la’u uo. E ui lava sa ma iloaina e le moni, ae sa ou le fiafia aua sa lelei lava le taulimaina o ia i taimi uma i lo’u aiga. Ou te lei fia alu i le lotu ma vaai pe talanoa i tagata o e na faasalalauina tala sese.

Ae peitai, sa ou manatuaina sa matou o i le lotu ona o le talalelei a Iesu Keriso, e le na o tagata o i ai iina. O nisi taimi e faitioina ai e tagata isi e aunoa ma le iloaina o le mea moni o loo tupu, ma sa ou iloaina o le a mavae atu lenei taimi ma e mafai ona ou faamagaloina i latou. Sa ou faasoaina atu nei manatu i la’u uo. O le vaavaai atu ia Iesu Keriso, na ma maua ai le filemu.

O Iesu Keriso o le faaolataga. O Ia o le alofa ma le upumoni. O Ia o mea lelei uma. O Ia o le auala o le faaolataga, o le ala lea e mafai ona ou maua ai le fiafia e faavavau.