Ua Ova Tele Taaloga Vitio

I se tasi aso i le taimi o le vasega, sa valaau mai ai se tamaitiiti o le vasega. Sa ma iloaina sa ma taaalo uma i taaloga e 100 sa ia te a’u, ma sa ma mananao i se mea fou. Ae o le komepiuta faigaluega a lo’u tama, sa le lava le vaega lea e manaomia e teuina ai. Ina ua ou taumafai e tuu i ai i luga se taaloga fou, na faaleagaina le komepiuta.

Sa ou popole. Sa ou fefe nei iloa e o’u matua. Sa ou aveesea vaega taitasi o le komepiuta ae sa le’i vaaia ni faafitauli, o lea sa ou toe tuu ai mea uma i le tulaga ma taumafai e ki. Sa ou iloaina e tatau ona ou faamamaina le komepiuta, o lea sa ou faaaluina ai le tele o itula e tapeeseina ai lea taaloga ma lea taaloga—ae sa leai se mea na suia.

Mulimuli ane i lena aso, sa manaomia e lo’u tama lana komepiuta e faia ai ni ana galuega. Sa ou popolevale lava. Ina ua mavae sina taimi, sa ia valaau mai ia te a’u. Sa i ai le komepiuta i ona luma. Ua malepe.

Sa le mafai ona ou toe pepelo i lo’u tama. Sa ou ta’u atu le mea sa ou faia.

O le aso na sosoo ai, na alu ai lo’u tama e faigaluega faatasi ma le komepiuta lea ua leaga. Nai lo le tuuaia o a’u, sa ia tauaveina le tiutetauave mo le mea sa ou faia. E leai se mea na ia faia, ae sa ia filifili le le toe faatuatuaina o ia e lona pule ma tauave le tuuaiga e aunoa ma lo’u fai atu ia te ia. Ma sa nutimomoia ai lo’u fatu.

Sa ou matua maasiasi lava i le mea sa ou faia ma sa amata ai ona ou tauivi faalemafaufau. Ou te le’i manao e ala e luga. Sa le’i i ai so’u lototele e talanoa ai i o’u matua.

Ae o lena Aso Toonai, na fafagu ai a’u e lo’u tama pe tusa o le 4:30 i le taeao, ma valaaulia a’u ma te o e tamomo’e. A o i ai le tamo’ega, sa ia fai mai sa ia fai mai ou te alu atu ma te o ina ia mafai ona ou aoaoina se mea na te le manao ou te faagaloina: o le maufetuunai. Sa ia ta’u mai ia te a’u o le maufetuunai o le gafatia lea e tetee atu ai pe vave ona toe faaleleia mai faigata, e foia ai le faafitauli, ma pe a uma ona foia, ia tu i luga ma faaauau pea ona agai i luma.

Ona o le faataitaiga a lo’u tama i le galuega ma mea na ia aoaoina ai a’u e uiga i le maufetuunai, sa ou maua ai se vaaiga po o ai Iesu Keriso ma mea na Ia faia mo a’u. Na tuuina mai e Keriso ia te a’u le avanoa e faamagaloina ai a’u agasala. Sa ou aoaoina o le faamagaloga o se meaalofa ma o le faamoemoega o le Faaola ia te a’u o le maufetuunai lea i le ala o le amiotonu.

Ina ua mavae lena tamo’ega, sa amata ona suia lo’u mafaufau ma mausa. Sa ou iloaina e tele atu mea i le olaga nai lo le taalo i taaloga i le aso atoa.

Sa i ai i se tulaga luitauina le tolu tausaga na sosoo ai, a o ou galue i o’u mausa fou, ae faatasi ai ma le fesoasoani a o’u matua, sa faasolosolo malie lava ona amata ona ou taulai atu i lo’u lumanai. Sa ou iloaina foi e i ai sa’u taleni i fesootaiga ma fiafia e fesoasoani i isi.

Nai lo le faaaluina o lo’u taimi atoa i taaloga vitio, sa amata ona ou aoao e uiga i le avea ma se tagata faipisinisi. Sa ou amataina se alaata i le Instagram ma c se itulau o le YouTube, ma o lea ua ou aoao atu tagata i mea ua ou aoaoina e uiga i le faamanuiaina i mea tautupe ma le teugatupe i la tatou tupegalue sili—o i tatou lava.

E ala mai i nei aafiaga uma, sa ou vaaia ai le aao o le Alii i le tele o taimi, aemaise lava le mauaina o le faamagaloga i le taulaga a lo’u Faaola. O le a i ai taimi o le a ou toilalo ai, ae faatasi ai ma le maufetuunai ma le Togiola a Iesu Keriso, e mafai ai ona ou avea atili e faapei o Ia.