Faase’e ma se Tatalo.

Ata na tusia e Katelyn Budge

Sa ou se ese i se malaga faase’e i Suetena ma lo’u aiga. Sa ou popole teisi ma mafaufau po o le a le mea e fai. E le’i i ai la’u telefoni. Ina ua ou matua manaomia se fesoasoani, sa ou aveeseina o’u seevae faase’e, tootuli, ma tatalo ina ia mafai ona fesoasoani mai le Atua ia te au e saili se auala e toe foi atu ai i o’u matua.

Sa ou lagonaina se leo i lo’u mafaufau, lea na foliga mai na faapea mai, “O le ala lenei e tatau ona e mulimuli ai. Ua e i ai i le ala sa’o.” Sa lagonaina le matuai to’a lava, ma sa ou le popole tele. Sa ou lagonaina le telegese o lo’u fatu. Sa ou mafaufau, “O se savali lenei mai le lagi.”

Sa ou toe tuiina ou seevae faase’e ma amata ona ou faase’e. Ina ua ou taunuu atu i o’u matua, sa matuai o’u te’i lava. Sa ou maua se ala, e ala mai ia Iesu Keriso.

Afai o loo e i ai i se taimi faigata, tatalo i le Tama Faalelagi i le suafa o Iesu Keriso. O le a Laua fesoasoani ia te oe pe afai e te talitonu moni lava ia i Laua.