“E mafai faapefea ona ou fiafia i faamanuiaga o tekinolosi a o aloese pea mai tulaga e lē lelei ai?”

“Fai mea laiti e aumaia ai i tatou ia latalata atili atu i le Atua, e pei o le faitauina o tusitusiga paia, faia o tatalo faaletagata lava ia, po o le aai ma feinu i le faamanatuga. Valaaulia le Agaga ina ia faatasi ma oe.”

Ella C., 16, Alapama, ISA

“Faaalu se taimi e aoao ai pe faapefea ona galulue au masini ma pe faapefea ona aafia ai lou olaga faaleagaga. Ia nofouta i le taimi e te faaaluina i au masini ma polokalama e te faaaogaina. Faatulaga ni tuaoi manino mo le auala o le a e faaaogaina ai tekinolosi.”

Martin K., 25, Kananga, Ripapelika Temokarasi o Congo

“O le ki o le mulimuli lea i le Agaga. E i ai auala leaga e faaaoga ai tekinolosi, ae e i ai foi auala lelei e faaaoga ai. O se tasi o auala ou te faaaogaina ai tekinolosi mo le lelei o lo’u valaauga lea o se peresitene o le korama a tiakono. Ou te aapa atu i isi tiakono e ala i feau tusitusia po o valaau i le telefoni.”

Hyrum M., 13, Georgia, ISA

“E tatau ona tatou faaaogaina tekinolosi e faasalalau atu ai le malamalama o le Faaola i tagata uma. O le avea ma se soo o Keriso o lona uiga o le avea faapei o Ia, o lea e tatau ai ona tatou faatuatua ma mulimuli i le ala o le malamalama.”

Julia B., , Pernambuco, Pasila

“Sa ou faatuina se faamoemoega tumau ma tatalo a o lei faaaogaina tekinolosi ina ia aua nei faalavelaveina. E mafai ona ou ausia mea taua a o faaaogaina tekinolosi, e aofia ai le faasoaina atu o le talalelei, e aunoa ma le alu ese mai le ala.”

Elijah U., 20, Lagos, Nigeria