E Alofa le Atua ia te Oe. E Mafai Faapefea Ona E Alofa Atu ia te Ia?

E alofa atoatoa ma faavavau le Atua ia te oe. “Mafaufau i le alofa e aupito mama, ma aupito malosi e mafai ona e mafaufau i ai. Ia faatele nei lena alofa i se numera e le gata—o le fuataga lena o le alofa o le Atua mo oe.”

E manatu nisi tagata, ona e alofa le Atua iā i latou, e mafai ai ona latou faia soo se mea latou te manana’o i ai, e aunoa ma ni taunuuga. Ae e le talafeagai lenei mea. E tuuina mai e le Atua poloaiga ona o le alofa, mo lou lava lelei. Ona e alofa le Atua ia te oe, e tatau ai ona e tausia Ana poloaiga. Ma e tatau foi ona e tausia Ana poloaiga aua e te alofa ia te Ia!

“E te le alofa ea ia te Ia o lē na muai alofa ia te oe? Tausi la Ana poloaiga. E avea ea oe ma se uo ia te Ia o lē na foai mai Lona ola mo Ana uo? Tausi la Ana poloaiga. E te le tumau ea i Lona alofa ma maua mea uma ua Ia ofo maia ma le alofa tunoa ia te oe? Tausi la Ana poloaiga.”

Ua aoteleina i le taiala Mo Le Malosi o le Autalavou : “Ina ia fesoasoani ia te oe e faia filifiliga lelei, e tuuina mai e le Atua poloaiga. Ua Ia faia lenei mea ona e alofa o Ia ia te oe. Ma o le mafuaaga sili e usitaia ai poloaiga a le Atua ona o lou alofa lea ia te Ia. O le alofa o loo i le totonugalemu o poloaiga a le Atua.”