Ua E Sauni e Faafiafiaina?

Talofa, uo matagofie i le lalolagi atoa!

Ou te fiafia i lenei mekasini. A o ou i ai i tausaga pei o outou, ma nofo i Atenitina, sa na o le Liahona na oo mai i lo’u atunuu. O le mea e lelei ai, na aofia ai ni mataupu mo le autalavou. E masani lava ona ou faitauina ae ou te lei moe. Sa ou fiafia i tusiga aua sa tuuina mai ia te a’u le faamoemoe, ma sa ou lagonaina le Agaga o molimau mai i upumoni a le Atua.

I aso nei, ua toetoe lava o atunuu uma o le lalolagi ua oo atu ai lenei mekasini! E ui lava ou te le o toe faitauina ae ou te lei moe, ae o loo faaauau pea ona ou faitau ma aoao mai ai i masina uma.

I le talanoa ai e uiga i le aoaoina, e ofoofogia ia te a’u le tulaga lea e ui lava e mafai ona tatou maua le malamalama sili atu i le aso i tekinolosi fou nai lo aso o o tatou matua matutua, ae o loo faaauau pea ona aoao mai e le Atua Lana upumoni i le ala lava lea e tasi! O le a lena ala? Faitau le mea na aoao mai e Elder Quentin L. Cook i le “O Lau Sailiga mo le Upumoni” (itulau 2)!

Ou te mautinoa ua e iloa le atamai, ae faapefea le atamai faalelagona? Siaki le “O Lau Pusa o Meafaigaluega o le Atamai Faalelagona” (itulau 6) e iloa ai!

Ua e saunia e fiafia, aoao, ma lagona le Agaga? Faitau loa i ai!