Pe o se le faamaoni le kopi mai le initoneti po o le atamai faafoliga mo meaaoga?

O le tali puupuu o le ioe.

Ua tuu moni lava e tekinolosi ia faamatalaga i ou tamatamailima. O se meafaigaluega sili mo le sailiiliga ma le aoaoina. Ae o le fesili o le kopiina mai le initoneti po o le atamai faafoliga mo meaaoga e le faatatau i le mea e faigofie. E faatatau atili atu i le po o le a le faamoemoga moni o lau aoaoina.

“E finagalo le Tama Faalelagi i Ona afafine ma atalii ia aoao i taimi uma. … O le aotauina … o se vaega o lau sini e faavavau ia avea atili e faapei o le Tama Faalelagi” (Mo Le Malosi o le Autalavou: O Se Taiala mo le Faia o Filifiliga [2022], 31). O lenei ituaiga o aoaoga e faatatau i le atinaeina o lou mafaufau ma lou malamalama. E le faatatau i mea e mafai ona e sao mai ai ina ia faataunuu ai mea itiiti e manaomia.

Ma i le fesili o le faimamago: Afai e fai atu lau aoga po o lau faiaoga ia te oe e aua le kopiina mai le initoneti po o le atamai faafoliga, aua le faia. Afai e tofia oe e lou faiaoga e tusi se mea, ona e tusia lea. Afai e te le o mautinoa po o le a se mea e faatagaina i soo se meaaoga patino, fesili i lou faiaoga.

“O le ola ai ma le amiosao o lona uiga e te alofa i le upumoni ma lou loto atoa—e sili atu nai lo lou alofa … faafaigofieina” (Mo Le Malosi o le Autalavou: O Se Taiala mo le Faia o Filifiliga, 31).