Flavia C.

Ata na pueina e Christina Smith

E lei leva ona motu lo’u vae i se faalavelave tau nofoaafi.

Sa ou nofo i le nofoaafi ae ou lagonaina le se’i ese atu o la’u telefoni mai o’u lima—sa osofa’ia a’u e se tasi. E aunoa ma le mafaufau, sa ou tamo’e atu i le tamaloa i se taavale nofoaafi e leai ni faitotoa. Ou te le o mautinoa lelei po o le a le mea na tupu, ae na faafuasei lava ona ou i lalo ifo o le nofoaafi, ma ‘eē atu mo se fesoasoani.

Sa ou ala a’e i le falemai i ni nai aso mulimuli ane. Sa ou iloaina ua leai lo’u vae taumatau. I le taimi o lo’u nofo ai i le falemai, sa tele taimi na ou tagi ai. Ae sa faatasi pea lo’u aiga, uo, ma le aiga o le Ekalesia ma a’u, ma fesoasoani mai ia te a’u.

Ou te iloa na fesoasoani foi le Tama Faalelagi ma Iesu Keriso ia te a’u. A o lei faia taotoga taitasi, sa ou faia lava se tatalo patino ina ia lelei mea uma ma ia aua ne’i ou fefe. O taimi uma lava ou te lagona ai le leai o se faamoemoe, sa i ai le Alii iina.

O loo faaauau pea ona ou feololo ma o loo ou taumafai e tulei atu i luma faatasi ma le fesoasoani a le Faaola.