O Le Atua o Loʼu Ta’iala

Ata na pueina e Christina Smith

O le vaiaso na te’a nei sa ou valaaulia ai la’u uo i le lotu. Sa ia ta’u mai ia te a’u e uiga i lotu uma sa i ai o ia ma le auala o loo ia taumafai ai e sue se ekalesia ina ia i ai i totonu ma a’oa’o e uiga i le Atua.

A aunoa ma le Atua ma aunoa ma le talalelei, o le a ou matuā leiloa lava e pei o ia, i le taumafai e sue se ekalesia ma saili ai ni tali e foia ai o’u faafitauli, auā o le a leai se ta’iala i lo’u olaga. Pau le mea ou te iloa, a aunoa ma lo’u taiala, a aunoa ma le Atua, o le a ou lē i ai iinei i le taimi nei.

Ma o le iloaina o le i ai o le Atua ma oe, po o fea lava e te alu i ai, o le mea sili lea e mafai ona maua e soo se tasi. O le mafuaaga tonu lena ou te fiafia ai lava e faasoa atu le talalelei i tagata uma o siomia a’u.

Ou te talitonu moni lava o le valaaulia o isi i le lotu o se mea tāua tele. Atonu e te manatu o le a latou le taliaina, ae o nisi taimi e ono i ai suiga e tutupu. E mafai ona iu ina sili atu nai lo le mea e mafai ona e mafaufauina.