O le Maliu o Lo’u Tamāmatua Na Lu’iina Ai Lo’u Faatuatua—ma Sa Fesoasoani ia te A’u e Maua Ai

Ata na pueina e Carolina Triana

Sa ou le toe alu i le lotu ina ua maliu lo’u tamāmatua. O lona maliu o se tasi lea o tofotofoga sili ona faigata na tupu ia te a’u. I lena taimi sa ou masalosalo ai i le Alii. Sa le’i manino tele ia te a’u mea uma; o se taimi faanoanoa tele.

Ina ua mavae sina taimi, sa matou talanoa ma le uso o lo’u tina ma lo’u tina. Sa oo ina ou malamalama o le a oo mai le taimi e mafai ai ona ou toe vaai i lo’u tamāmatua. O lenei iloaina o se faagasologa telegese ma faigata. O le maliu o lo’u tamāmatua na luiina ai lo’u faatuatua—ma fesoasoani ia te a’u ia maua ai. Ua faamalosia lo’u faatuatua ia Iesu Keriso a o ou mafaufau i upumoni o le talalelei ma toe foi mai i le lotu!

O le tatalo e aumaia ai le mafanafana. Atonu e masani ona tatou lē iloa le mea e fai i se taimi faigata, auā atonu o le a tatou lototiga. O le tatalaina o o tatou loto i le Alii e ala i le tatalo e mafai ai ona tatou iloilo o tatou lagona ma maua ai le toomaga.