Fale Mautotogi Laitiiti, Fuafuaga Tetele

Ata na tusia e Katelyn Budge

Sa masani ona nonofo lo matou aiga i se fale tele, ae na suia mea uma ina ua matou siitia atu i Hanoi. Sa matou nonofo i se tamai fale mautotogi, pe tusa ma le 30 mita faatafafa. Sa faigata le nonofo i se avanoa vaapiapi ma isi tagata e toatolu i lo’u aiga.

Ae ou te faafetai ona e mafai e le Atua ona fesoasoani e faia mea lelei e oo mai i soo se tulaga. I lena taimi, sa mafai ona avea au ma se faamatalaupu i le lotu ma mo o’u matua. Sa mafai ona ou tatalo i aso uma, sa ou tufaina atu le faamanatuga, ma sa ou faafeiloai i tagata o loo sailiili i le talalelei. Ou te iloa ua faamanuiaina au e le Atua ma taialaina au e fai na mea.

E ala i luitau uma i lena taimi, na faasolo ina malosi lo’u faatuatua i lea aso ma lea aso. E toatele tagata e le iloa le talalelei i lo’u atunuu, o lea, o a’u o se paionia talavou. E i ai so’u manao e faasoa atu le talalelei a Iesu Keriso i tagata, e fesoasoani ia i latou ia maua se olaga fiafia e faavavau faatasi ma Iesu Keriso ma le Tama Faalelagi.