O Fea e Mafai Ona Ou Maua Ai le Faamoemoe Pe a Maliu Se Tasi Ou Te Alofa i Ai?”

Ina ua maliu lo’u tama, o le mea na sili ona fesoasoani ia te au o lo’u faatuatua ia Iesu. A o le’i auai lo’u aiga i le lotu, o i matou o ni Katoliko. Ou te le’i fiafia e alu i le lotu, ae sa matuā faamaoni lava lo’u tina. Ina ua maliu lo’u tama, ou te manatua lo’u tina o fai mai e le toe manao e talitonu.

Sa i ai se uo a lo’u tina o se tagata o Le Ekalesia a Iesu Keriso o le Au Paia o Aso e Gata Ai, ma sa ia aumaia faifeautalai i totonu o lo matou fale. Sa faia faatasi a matou lesona ma amata ona o i le lotu. Sa amata ona ou talitonu ia Iesu ma le Atua ma sa amata ona tuputupu a’e lo’u faatuatua. E ui lava ina maliu lo’u tama, ae sa ou faatuatua o le a i ai se aso matou te toe vaai ai ia te ia. E mafai ona matou nonofo faatasi i le lagi ona o Iesu Keriso.

O loo i ai pea Iesu Keriso iina mo oe. A e lagona le faanoanoa po o le popole po o le lē lelei o lou aso, e mafai ona e liliu atu ia te Ia aua e alofa o Ia ia te oe. O le a tau o Ia mo oe.