Melina J.

Ata na pueina e Christina Smith

Sa i ai i la’u uo le atuatuvale ma le popole ma sa lagona le faanoanoa tele. E masani ona faaesea ia mai la’u vaega o uo ma nofo na o ia. Ou te le’i iloa pe ou te faatasi ma mea sa faia e a’u uo pe faatasi atu ma lenei uo sa le’i lelei le lagona ma o lē sa nofo na o ia.

O le taimi lena na ou filifili ai e tatau ona ma nonofo faatasi ma ia. Sa tuuina mai e isi a’u uo ni foliga ese ona sa latou feitai ia te ia, ae sa ou alu ma saofai faatasi ma ia, ma sa ma fetagisi faatasi a o ia ta’u mai ia te a’u ona faafitauli. Ina ua mavae lena, sa amata ona ia maua se lagona sili atu, ma sa mafai ona ou faaali atu ia te ia le alofa sa ia te a’u mo ia ma le alofa o loo i ai i le Atua mo ia.

O le avea ai ma se soo o Iesu Keriso e faatatau lea i le faasoaina atu o le alofa o loo ia te Ia mo i tatou i isi. O lenei mea e faatatau i le alofa, auauna atu, ma le atiina a’e o uiga tutusa sa ia te Ia a o i ai o Ia iinei i le lalolagi. I lena aso, ina ua ou lagonaina le agaalofa mo la’u uo i le vasega, sa ou lagonaina le pei o se soo moni o Iesu Keriso.