Se Ata e Telē Atu

Pe na e taalo i le taaloga o le aisea? E faapenei lona faiga:

Aisea e tatau ai ona ou alu i le aoga? Ina ia mafai ona e maua se galuega lelei. Aisea e tatau ai ona ou maua se galuega lelei? Ina ia mafai ai ona ou faaipoipo ma maua se fanau. Aisea e tatau ai ona ou faia ai lena mea? Ina ia mafai ai ona o lau fanau i le aoga.

Ona toe amata lea o le taaloga. E foliga mai e leai se uiga e aunoa ma se ata e telē atu. O le mea lena ua faamanuiaina ai i tatou ia maua. E ta’ua o le fuafuaga o le fiafia, ma e aumaia ai ia i tatou le faamoemoe ma le uiga. E tuuina mai ai ia i tatou mafuaaga e taua ai iinei ma le faavavau. O le uiga atoa lena o lenei lomiga o le mekasini Mo Le Malosi o le Autalavou.

I totonu o le anotusi o le fuafuaga a le Tama Faalelagi—ma faatasi ai ma Iesu Keriso ma Lana Togiola i le totonugalemu—o le a e maua ai le manao ma le malosi e saunia ai mo le lumanai. O lau aoaoina, galuega, aiga, ma le auaunaga i le Ekalesia e mafai ona avea o se sailiga sili nai lo o se avega lofituina.

E te mafaia, aua o ’au Iesu Keriso ma oe!