“E tele ni a’u faaiuga tetele e fai. E faapefea ona ou maua faaaliga faaletagata lava ia?”

“Suesue i mea lelei ma mea leaga ma filifili po o le a le mea o le a e ogatasi ai ma le Atua. Manatua e tatalo a o lei faia, i le taimi a o faagasolo, ma pe a uma ona e faia lau faaiuga. O le a faamautu atu e le Agaga ia te oe le mea sa’o.”

Laneah S., 16, Iuta, ISA

“O le tatalo ma le faitauina o tusitusiga paia o le a 100% le fesoasoani. Ua fai mai tusitusiga paia, ‘Ia outou ole atu, ona outou maua ai lea.’ O lea, ia ole atu! Ona galue lea i mea e te manaomia. Manatua, o le a saunia pea e le Alii!”

Parker B., 16, Kalefonia, ISA

“Ole atu i le Tama Faalelagi ma faitau Ana upu. Vaavaai mo le auala e aapa atu ai le Agaga Paia ia te oe e ala i le tusia i lalo o musumusuga i aso uma, ma e mafai ona e iloa mamanu e uiga i le auala e te maua ai faaaliga patino.”

Caleb A., 18, Karolaina i Matu, ISA

“O le Tusi a Mamona o se tasi lea o meafaigaluega sili ona lelei ua ia i tatou mo le mauaina o faaaliga patino. E mafai ona tatou aoao mai faataitaiga a perofeta anamua.”

Joao C., 19, São Paulo, Pasila

“O nisi taimi e lē vave ona oo mai lau tali, a o isi taimi e vave na oo mai. O nisi taimi e oo mai ai le tali o se lagona faapitoa po o se pese e te faalogo i ai i le lotu. E mafai foi e aiga ma uo faatuatuaina ona tuuina atu fautuaga lelei.”

Anabel V., 12, Iuta, ISA